سلام عليكم
انا فرحانة برجوع لوحة المفاتيح لحالتها الطبيعية ، واشتياقي للكتابة باللغة العربية
.....................
الموضوع اللي هتكلم فيه ده استفزني من زمان تقريبا من سنتين ونص - يعني من يوم ما رجعت لمصر واستقريت فيها
وهو موضوع الأذان ... وصوت المؤذن
ابدااااااااااااااااااااااااااااااااااااااااااااااااااااااااااااع
يعني المفروض ان الواحد لما يسمع الأذان .. قلبه ينشرح ويبقى مركز معاه في كل كلمة ويردد وراه وهو فرحان بالأجر اللي هياخده
لكن اللي بيحصل هو العكس... بجد قلبي بيتقبض لما بسمع المؤذن بيقول الأذان... وببقى مستنية يخلص بسرعة!!!
حاجة كده تجيب نفور والعياذ بالله!!!!
لو الناس اشتكت من كده يجيبو واحد تشكيله عجيييييييييب!!! وبينطق نطق اعجب
زي اللي بيقول ( كد كامت السلاة ) اللي هي المفروض يعني ( قد قامت الصلاة)!!!!
واللي بيأذن للفجر وهو لسه نايم... بيوصل احساس النوم للناس ويخليهم ينامو في مكانهم بدل ما يروحوا فايقين للصلاة
لا اله الا الله!!!!!
ليه كده... انا مش هتكلم عن التشكيل بقى ومخارج الحروف في الصلاة الجهرية!!!!
المفروض ده قرآن بيتقرى.... وفي مذاهب بتقول ان قراءة سورة الفاتحة بطريقة غلط بتبطل الصلاة... يعني حرام واحد بيقرا غلط يشيل ذنب ناس كتير بتصلي وراه.
الله يكون في عون الرجالة اللي بيصلوا في المساجد، الحمد لله اني بصلي في البيت!!!
وخطبة الجمعة!!!!
يا سلااااااام على الكلام اللي بيتقال فيها والنطق البديع!!!!
كل اللي اقدر اقوله:
اني يوم الجمعة بشغل التلفزيون على قناة قطر( علشان القرضاوي هو اللي بيخطب فيها) او الكويت اسمع الخطبة عندهم وانسى خالص خطبة (.....) بتاع مصر!!!
والاذان بتاع الحرم المكي او المدني .... يا الله ع الروعة والصوت اللي يشرح القلب... بجد في ناس مش مسلمين بيشدهم صوت اذان الحرم المكي اوي وبيركزوا معاه بإعجاب... وده المفروض اللي يحصل في كل مكان
بجد نفسي اللي صوته مش حلو في الأذان بلاااااااااااااااااش يأذن... علشان مش يتعب نفسه ولا يتعب اللي حواليه... وربنا يهدي الجميع
اتمنى اشوف ردود تأييد او معارضة... واشوف انا بس اللي موعودة بناس كده ولا في حد كمان بيعاني زيي :(
وربنا يصبرني بقى على صوت مؤذن صلاة الفجر اللي انا مستنياه.... وربنا يسامحني بقى
سلام عليكم
8 التعليقات:
احمدك يارب ان لوحه المفاتيح رجعت لحالتها الطبيعيه دا الواحد تعب اوووي
اليومين اللي فاتوا دول :D
بالنسبه لموضوع الادان ده اكتر حاجه بتميز نا يبقي انت اكيد فين؟؟ طبعا اكيد في مصر
فعلا الكلام ده شفته كتير اووووووووووي في الفيوم
ان كان في اي جامع في الفيوم او جامع المدينه اللي ما يعلم بيه الا ربناواللي كل المصلين تقريبا بيكونوا عيزين يضحكوا فيه علي مخارج الحروف اللي ملهاش زي
لا والاخطر من كده فعلا ان مره الخطيب غلط في السيده عائشه رضي الله عنها من غير ما يقصد خالص بس في الاخر غلط ودي المصيبه
الحاجه الكويسه بقي اني ساكن بلد ضغيره
يعني القيم او الحاجات اللي نقول عليها مفقوده ممكن تلا قيها في القري طبعا مش كل حاجه
بس الللي اقول ان الحمد لله انه موجود ان في خطيب في قمه الامتياز بجد يعني وفي منادي للصلاه وان مكنش صوته حميل بس مخارج الحروف والتشكيلات بالطريقه الصح
معلش انا عارف انا طولت عليكي
ملحوظه|:
لو لوحه المفاتيح باظت تاني انا معلش هطر ابلغ السلطات ويشوفولي حل بقي
الحمد لله بجد انها اتصلحت... انا عارفة اني تعبتكو اوي ، وانا كمان تعبت اكتر :)
......
الحمد لله بجد ان انت بتسمع خطبة كويسة واذان صحيح في بلدك..(انا هحسدك على فكرة ) :)
.....
الفيوم دي طبعا بلد الابداعات والمبدعين
بس انا اللي مش مقدراها P:
.....
حضرتك تنور في اي وقت وتكتب زي ما يعجبك
.....
مش تبلغ عني السلطات لحسن يصادروا مني لوحة المفاتيح ومش اعرف اكتب حاجة تاني :(
......
سلاااام :)
سلام عليكم
حمد الله على سلامتك يالوحة مفاتيح ميسو
والله انا كمان بعانى من نفس المشكله دى
اللى هيا مخارج الالفاظ اللى مش صح والصوت العجيب وقت الآذان ومشكله تانيه بقا اثناء صلاة الفجر عندنا فى بلدنا الراجل المؤذن ده بيأذن لصلاة الفجر ع الساعه سته سته ونص الصح كدا. والله بجد بيقوم مع نفسه كدا تلاقيه يأذن يبقا الواحد مش عارف هوا انهو وقت بالظبط . بس هوا بيفيدنى الصراحه يعنى بيصحينى للمدرسه. لا سورى الكليه بقا. اصله بيصحينى من زمان من وانا فى المدرسه . يعنى محدش يحسدنى بقا انا بلاقى اللى يصحينى
عموما ربنا يصلح الحال ويهدى المؤذنين وخطباء المساجد ويهدينا كلنا. قولوا يارب
يااااااااه
الساعة 6 الصبح!!!!
ده بيكون قبل الشروق بكام دقيقة ده!!
بجد حاجة تضحك اوي
ربنا يهديه
ويا بختك يا ست dokdok
منبه بشري عندك اهو :)
منورة يا جميلة
سلاام
السلام عليكم
والله كلام في الجون فعلا
والله بجد دا حقيقي انا المسجد جنب البيت علطول والله ومش هقول مخارج الفاظ وبس لا انا هقول الصووووت غريب بجد انا ببقي مقرب اعيييط والله صوت مينفعش انك تخشع وانتا بتصلي خالص ولا اصلا يخليك تعرف تصلي حاجه فظيعه والكارثه ان في ناس بتبقي واخده المساجد لحسابها يعني صوتهم وحش ومقربين يموتو ولازم هما الي يصلو بالناسسس ببقي عايز اقلو ياعم ارحم نفسك دا انتا فاضلك خمس دقايق وتموت لحسن تموت واحنا بنصلي بجد عذاااااب ربنا لا يوريكي
وكلو كوووم وخطبه الجمعه كوم تاني انا قربت اتشل بجد نفس الكلام الي بسمعو من يوم ما اتولدت هو هو لدرجه اني خلاص بجد حفظت الخطبه
اهاااا ونسيت في الاخر اقول ان الامام الي بيصلي بينا كل يوم بنفس الايات بالظبط بالظبط طيب ياعم غير علي سبيل التنويع
بس خلاص كفايه كداا
hamaki
وعليكم السلام
.....
ربنا يكون في عونك بجد
يا عيني !!! نفس السور والايات والخطبة!!! ده ايه الملل ده!!!
......
انا كمان سمعت عن اللي بيكونوا واخدين المسجد لحسابهم،وبتحصل عندنا في البلد،للأسف.
......
حلوة دي(ياعم ارحم نفسك دا نتا فاضلك خمس دقايق وتموت لحسن تموت واحنا بنصلي) هههه
تخيل بقى لو ده حصل.., يا عيني عليكو :)
.....
منور يا hamaki
mawdooo3 nice gedaaan ya mesoo :):)
ya 3eny ya 7abibty da enty shaklek met3a2ada men elmasged ely ganbena fe el sakaan aweeee:)
de 7atta lessa 2awel sana teskony feehaa ....e7na ba2a ne3mel eeeeh!!!
hanet ya gameel hya fadel sana we hansebo we nemshy isa:D:D:D
yesharafek taba3aan eny 2arod 3ala el modawana beta3t ya mesooo:P:P:P
bye ya 7abibty:):):)
منورة يا ROMA
.......
ايوة.. يا عيني عليا مش قدرت اتحمل صوت المؤذن ترم واحد !!.. ربنا يستر على باقي السنة والسنة الجاية..
....
طبعا يشرفني انك تردي عليا بس كان نفسي تردي في الاول والموضوع لسهFrish
........
بس عموما منورة تاني يا حبيبي :)
إرسال تعليق