الجمعة، 31 ديسمبر 2010

السلام عليكم ورحمة الله وبركاته

اللهم صلي وسلم على سيدنا محمد،

الاغنية دي انا بحبها جدا علشان كلماتها اكتر من رائعة :)

أداء :احمد الهاجري

اما الفيديو بقى ...فـ بيفكرني بالكويت اوووووي :(

يارب يعجبكو...
=================================

دي كمان انشودة حلوة اوي اسمها يا حامل القرآن....رووووعة :) --> احمد الهاجري



الاتنين دول بحب اسمعهم دايما :)
.............................
...................
.........
...
يارب يعجبكم اختياري :)

الاثنين، 27 ديسمبر 2010

Encouragement!!!

السلام عليكم ورحمة الله وبركاته




Encouragement....
Really makes difference for me...!!!!!

الأحد، 19 ديسمبر 2010

احلم معايا...

السلام عليكم ورحمة الله وبركاته





بس احنا نحلــــــــــــــــــــــــم............

الاثنين، 13 ديسمبر 2010



السلام عليكم ورحمة الله وبركاته
.......................................
دي مجموعة ابيات للامام الشافعي....
احيانا الواحد بيتحط في مواقف مش بيعرف يتصرف ازاي او يرد يقول ايه... وفي الوقت ده ممكن يخطر على باله بيت شعر سمعه بيكون هو ابلغ رد في الموقف ده!!!!
بصراحة كل الابيات اللي انا اخترتها دي جاية في وقتها...
كل واحدة بتعبر عن حاجات حصلتلي مع ناس كتير، وده الرد المناسب عليها.....!!

*************************************************************************************
إذا حارَ أمرُكَ في مَعْنَيَيْنولم تدرِ فيما الخطا و الصواب
فخَالِفْ هَوَاكَ فإنَّ الهوَىيقودُ النفوسَ إلى ما يعاب
******************************************************************************************************************

يُخَاطِبني السَّفيهُ بِكُلِّ قُبْحٍفأكرهُ أن أكونَ له مجيبا
يزيدُ سفاهة ً فأزيدُ حلماًكعودٍ زادهُ الإحراقُ طيبا

******************************************************************************************************************
يَعيشُ المرءُ ما استحيا بخيْرٍويبقى العودُ ما بقيَ اللَّحاءُ
إذا لم تخشَ عاقبة َ اللياليوَلَمْ تستحِ فافعَلْ ما تشاءُ
******************************************************************************************************************
وجدتُ سكوتي متجراً فلزمتهُإذَا لَمْ أجِدْ رِبحاً فَلَسْتُ بِخَاسِرِ
وَمَا الصَّمْتُ إلاَّ في الرِّجَالِ مَتَاجرٌوتاجرهُ يعلو على كل تاجرِ
******************************************************************************************************************
سَهِرَتْ أَعينٌ، وَنَامَتْ عُيونُفي أمورٍ تكونُ أو لاتكونُ
فَادْرَأ الهمَّ مَا استَطعْتَ عَنْ النَّفْـــس فحملا نكَ الهمومَ جنونُ
إن رَّباَّ كفاكَ بالأمسِ ما كانَ سَيَكْفِيكَ في غَدٍ مَا يَكُونُ

******************************************************************************************************************
صنِ النفسَ واحملها على مايزينهاتَعِشْ سَالِماً والقولُ فيكَ جَمِيلُ
ولا تُوِلينَّ النَّاسَ إلاَّ تَجمُّلاًنبا بكَ دهرٌ أو جفاكَ خليلُ
وإن ضاقَ رزقُ اليوم فاصبر إلى غدٍعَسى نَكَبَاتُ الدَّهْرِ عَنْكَ تَزولُ
ولا خيرَ في ودِّ امرئٍ متلونٍإذَا الرِّيحُ مالَتْ، مَالَ حيْثُ تَميلُ
ومَا أكثرَ الإِخْوانَ حِينَ تَعُدّهُمْوَلَكِنَّهُمْ في النَائِبَاتِ قلِيلُ

******************************************************************************************************************
ما حكَّ جلدكَ مثلُ ظفركَفَتَوَلَّ أنْتَ جَميعَ أمركْ
وإذا قصدْتَ لحاجَة ٍفاقْصِدْ لمعترفٍ بقدْرِكْ
******************************************************************************************************************
سلام عليكم...

الاثنين، 6 ديسمبر 2010


السلام عليكم ورحمة الله وبركاته


كل سنة وانتم طيبين وبخير
ان شاء الله 1432 هـ تكون سنة مليانة طاعات وعبادات...
والكل يكون راضي عن نفسه...
وقبل كل ده .....
ربنا يكون راضي علينا ان شاء الله

سلام عليكم

الأحد، 5 ديسمبر 2010



السلام عليكم ورحمة الله وبركاته

نعيب زماننا والعيب فينا

وما لزماننا عيب سوانا

ونهجو ذا الزمان بغير ذنب

ولو نطق الزمان لنا هجانا

وليس الذئب يأكل لحم ذئب

ويأكل بعضنا بعضا عيانا

....
ده فيديو من حملة اسمها (الرحمة) للرفق بالانسان... وده واقع فعلا بيحصل للاسف!!!
و من الحملات الاعلانية برضو اللي بحبها جدا وحققت نجاح كبير جدا جدا...( هذه هي حياتي..هذا هو ديني) و (أقم صلاتك...تنعم بحياتك)

الجمعة، 26 نوفمبر 2010

The Black Hole

السلام عليكم ورحمة الله وبركاته





حـسبي بعلمي إن نـفــع ..

ما الــذل إلا في الطمــع !

من راقـب الله رجــــع ..

ما طــار طير وارتفــع

إلا كـما طـار وقــــع !

((الامام الشافعي))

السبت، 20 نوفمبر 2010

السلام عليكم ورحمة الله وبركاته




ضحكت فقالوا الا تحتشم
بكيت فقالوا الا تبتسم
بسمت فقالوا يرائي بها
عبست فقالوا بدا ما انكتم
صمت ّ فقالوا كليل اللسان
نطقت فقالوا كثير الكلم
حلمت فقالوا صنيع الجبان
ولو كان مقتدرا لانتقم
بسلت فقالوا لطيش به
وما كان مجترئا لو حكم
يقولون شذّ اذا قلت لا
وإمعة حين وافقتهم
فأيقنت اني مهما اردت رضا الناس
لابد من ان أذم!!!!!

......
أنشودة جميلة فعلا، تصف أحوال الناس ، واجتهادهم في محاولة كسب رضا بعضهم... ولكن هيهات!!!!

الأربعاء، 10 نوفمبر 2010


السلام عليكم ورحمة الله وبركاته


موسم الحج ابتدى ... والحجاج بيستمروا في التوافد على الاراضي المقدسة...تلبية لأذان ربهم
يااااااااه ..يا الله ع المتعة اللي الواحد بيحس بيها وهو واقف قدام الكعبة !!!!
راحة نفسية وسمو روحي ...حاجة كده فوق الوصف!!!
هيبة الكعبة ... واحساسك بقدسية المكان!!!
بتكلم ربنا وانت حاسس انك قريب جدا ليه...سامعك انت والملايين اللي بتدعي ،
يااااه فرحتك وانت بتقول " لبيك اللهم لبيك..لبيك لا شريك لك لبيك"..!!!!
)سعيك بين الصفا والمروة...في مسافة طويلة شوية ...بس كنت بفكر ساعتها في السيدة (هاجر )....وازاي مشيت المسافة دي كلها علشان تسقي ابنها سيدنا (اسماعيل!!!!

كمان بتحس انك لاول مرة تستشعر الايه :
"إِنَّ الصَّفَا وَالْمَرْوَةَ مِنْ شَعَائِرِ اللَّهِ فَمَنْ حَجَّ الْبَيْتَ أَوِ اعْتَمَرَ فَلا جُنَاحَ عَلَيْهِ أَنْ يَطَّوَّفَ بِهِمَا وَمَنْ تَطَوَّعَ خَيْرًا فَإِنَّ اللَّهَ شَاكِرٌ عَلِيم".

تيجي بقى لماء زمزم !!!
.... سبحان الله !!!!!
بجد غريب جداااا.....الواحد بيشرب مرة واحد ويرتوي!!!!
قال رسول الله صلى الله عليه وسلم: "ماء زمزم لما شرب له، إن شربته تستشفي به شفاك الله، وإن شربته لشبعك أشبعك الله به، وإن شربته ليقطع ظمأك قطعه الله، وهي هزمة جبريل وسقيا الله إسماعيل".
.....
طبعا الكلام ده كله كان في العمرة...لسه ربنا ما رزقنيش بالحج.....بس انا وصيت بابا ...
يدعيلي معاه اني اروح قريبا ان شاء الله
ربنا يرزقنا جميعا ان شاء الله الحج... ويتقبل م الحجاج ان شاء الله ويرجعهم سالمين مغفوري الذنوب...
..........................
على فكرة الصورة دي انا اللي مصوراها...بس ظابط الامن هناك كان هيرميلي الموبايل :):):)علشان ممنوع...بس كل الناس بتصور يعني ...ماجتش عليا انا :):):)
...........................
بجد احساس فوق الوصف...ربنا يرزقني بيه تاني...واللي مش راح ،ان شاء الله يروح قريب
...........
سلام عليكم

الأربعاء، 3 نوفمبر 2010

.......




قال -صلى الله عليه وسلم- " اتق دعوة المظلوم فإنها ليس بينها وبين الله حجاب " البخاري

فيقول الله سبحانه وتعالى للمظلوم: " وعزتي وجلالي لأنصرنك ولو بعد حين "


يااااارب أغلقت الأبواب إلا بابك وانقطعت الأسباب إلا إليك ولا حول ولا قوة إلا بك يا رب اللّهم إنّي ومن ظلمني من عبيدك ، نواصينا بيدك ، تعلم مستقرّنا ومستودعنا ، وتعلم منقلبنا ومثوانا، وسرّنا وعلانيتنا ، وتطلع على نيّاتنا ، وتحيط بضمائرنا ، علمك بما نبديه كعلمك بما نخفيه ، ومعرفتك بما نبطنه كمعرفتك بما نظهره ، ولا ينطوي عليك شيء من أمورنا ، ولا يستتر دونك حال من أحوالنا ، ولا لنا منك معقل يحصننا ، ولا حرز يحرزنا ، ولا هارب يفوتك منّا .

يااااااارب... ليتني كنت مظلومة دائما كي لا يكون بين دعائي وبينك حجاب


ياااااارب ... لا اريد منهم الا المعاملة بالمثل والمعاملة بالحسنى...يارب فك كربي...وأذهب همي.... واغنني بفضلك عن من سواك...
ياااااارب هونها علينا ياااااااااااارب

اللهم صلي على سيدنا محمد - صلى الله عليه وسلم- ، وعلى آله وصحبه اجمعين

السبت، 30 أكتوبر 2010

For the rest of my life...



يااااااه ... هو في كده !!!!!
يارب ارزقنا الازواج الصالحين يارب...

الكلام جميل جداااااا ...والمعنى اجمل واجمل... والاحساس ....الله بجد :)

الأربعاء، 6 أكتوبر 2010


السلام عليكم ورحمة الله وبركاته
......

كل سنة وانتو طيبين بمناسبة 6 اكتوبر ....(وعلشان الاجازة كمان )
انا كنت عايزة اتكلم عن حاجة كده كل ما بفتكرها بزعل اوي...
في الكويت طبعا كلنا عارفين الغزو اللي حصل هناك سنة 1990 (كان عندي ساعتها 4 شهور :) )
استمر الغزو ده 7 شهور ... وانتهى الغزو يوم 26 فبراير 1991...
المهم ان الناس هناك اهتمت بالاحتفال باليوم ده دايما وفي نفس الوقت التذكير بالغزو وقد ايه هو كان (عدوان غاشم) زي ما كنا بندرسه دايما من اولى ابتدائي وفي كل المناهج!!!!
فعلا والله تكاد لا تخلو مادة من الموضوع ده... في العلوم مثلا يقولك: "اثر العدوان العراقي على بيئة الكويت والتربة و..و..و..."
في الاجتماعيات وحدة كاملة عن الغزو وعن التحرير
في التربية الاسلامية.... العدوان على الكويت وحكم الاسلام على هذا العدوان!!!
في اللغة العربية ... درس عن العدوان, ودرس كل سنة عن " خطبة سمو الامير حفظه الله في ذكرى العيد الوطني وعيد التحرير".
المهم يعني ان الـ 7 شهور دي بيهتموا بتذكيرها للاطفال والكبار بأي طريقة وفي مناهج التعليم ودي حاجة جميلة جدا...
نيجي بقى لـ مصر....
كااااااااااام عدوان وحرب حصلت في مصر واستمروا سنيييييييييييين مش شهور, لكن ايه اللي احنا بنفتكره فيهم ولا بندرس ايه في المدارس؟؟!! غير في اول السنة يقولك :"اكتب موضوعا عن حرب اكتوبر" ... و"قصة كفاح شعب مصر"!!!!
مصر دي حصللها العدوان الثلاثي ..من 3 دول كبيرة...وانتصرنا
ومعركة دنشواي (اللي انا كنت فكراها زمااان في ابشواي
:D...اللي اعرفها بقى )
وطبعا طبعا طبعا .... تحرير سيناء >>المناسبة الوحيدة اللي بتفرحني :)>>> عيد ميلادي بقى ;)
وفي 6 اكتوبر انتصرنا على اسرائيل بعد حرب رهيبة ونكسة و..و..و
المهم....مش تاريخ زي ده وانتصارات عظيمة زي دي اولى انها تتدرس في كل السنين وفي كل المناهج!!!!!
دي حاجة وجعاني اوي... اني هناك كنت عارفة تاريخ الكويت واحتلاله وتحريره ولازم كل سنة اكون حافظة الكلام ده واحتفل احتفالهم بيه...ومش لاقية مرجع اعرف فيه حاجة عن بلدي غير اللي بابا وماما بيحكولي عليه !!!!
......
انا تقريبا قلت اللي عندي ... يمكن مش هيفرق مع حد لكن انا فارقة معايا كتيييير وسايب جوايا فجوة ... نفسي حد يملاها ويفضل يفكرني بـ مصر وكفاااااح شعب مصر
.... اسفة جدااااااااا على الاطالة....وكل سنة وانتو طيبين

سلامو عليكو

الجمعة، 24 سبتمبر 2010

رب همة أحيت أمة




عَجِبـتُ لِمَـن لَـهُ قَـدٌّ وَحَـدٌّ " " وَيَنبـو نَبـوَةَ القَضِـمِ الكَـهـامِ
وَمَن يَجِدُ الطَريقَ إِلـى المَعالـي " " فَـلا يَـذَرُ المَطِـيَّ بِـلا سَنـامِ
وَلَم أَرَ في عُيوبِ النـاسِ شَيئًـا " " كَنَقصِ القادِريـنَ عَلـى التَمـامِ


المتنبي...

الخميس، 16 سبتمبر 2010



السلام عليكم ورحمة الله وبركاته
كل سنة وانتم طيبين...وان شاء الله تكون سنة دراسية سعيدة على الجميع ان شاء الله :)
ايه النظام؟؟؟؟ مستعدين ولا؟؟؟؟؟
انا عن نفسي مش مستعدة وقلقاااااانة اوي !!!!
اتمنى ان القلق ده يروح بالتدريج لما الدراسة تبتدي..ولما الواحد يتعود على التخصص والمنهج الجديد ان شاء الله
..
في التهاية مبروك لكل اللي دخلوا قسم نظم المعلومات وان شاء الله يكون مجال نحبه ونستمتع بيه
والناس اللي دخلت قسم علوم الحاسب ربنا يوفقهم فيه
....
احنا اكيد مش هنعمل زي اللي (مالهمش فيها) ونقلل من اهمية الدراسة في اي قسم...
طبعا قسم علوم الحاسب مهم زي ما قسم نظم المعلومات مهم،وقسم نظم المعلومات صعب زي ما قسم علوم الحاسب صعب
وياريت اللي شايفين غير كده يحتفظوا بالفكرة دي لنفسهم ويحاولوا يصححوا افكارهم وبقوللهم يا ريت ما نبصش على حد بنظرة دونية وانه اقل من حد تاني
كلنا عشنا مع بعض احلى الاوقات واصعبها في كلية واحدة... مش هييجي القسم هو اللي هيغيرنا!!!!!!
اتمنى الفكرة تكون وصلت للناس....:)
بالتوفيق

الأربعاء، 18 أغسطس 2010



السلام عليكم ورحمة الله وبركاته

عووودة من جديد وكالعادة بأخبار جميلة جدا جدا :)
:)
استمرارا لمسلسل الخطوبات في الدفعة .... وخصوصا لصديقاتي المقرباااات :)
انضمت للقائمة البنت العسووووووولة الرقيقة الهادية (الجمييييلة) ما شاء الله يعني - اللهم لا حسد :)
حبيبة قلبي واختي (((ميميييييييي,مريم حمدي يعني))
الف مبروك يا ميمي كتب الكتاب - بكرة ان شاء الله - وربنا يتمم على خير ليك ويبارك ليك ان شاء الله
....
عقبال كل البنات ان شاء الله... كده الحمد لله جروبي كله مرتبط.......مش كله بالظبط يعني
:D:D:D:D
..................
سلااااااااااااااااام عليكم

الخميس، 15 يوليو 2010

المرأة

المرأة الجميلة ليست طيبة دائما ولكن المرأة الطيبة جميلة دائما...المرأة الجميلة تملك القلوب والمرأة الفاضلة تسرق العقول..الأولى ملكت ما سمي قلبا لكثرة تقلباته والثانية اقتنت كنز الحكمة ومركز حقيقة الانسان.

السلام عليكم ورحمة الله وبركاته
الف مليون مبروك النجاح لكل الحاسوباتيين ولسنة تالتة خصوصا:)
ربنا يسعدكو جميعا بالنجاح وسنة رابعة تكون سنة سعيدة علينا ان شاء الله.مبروك لكل حبايبي و اصحابي:)

السبت، 3 يوليو 2010



السلام عليكم ورحمة الله وبركاته
.................
الف الف الف مبروك لـ فاطمة (بطوط)..اختي على النتيجة المشرفة دي :)
وعلى انها من العشرة الاوائل على الكويت :):)
بجد انت اللي مشرفانا ورافعة راسنا :)
ربنا يديمها عليك نعمة ويكملك بأدبك وعلمك واخلاقك :)
ربنا يقدرنا كلنا ( انا واخواتي) اننا نفرح بابا وماما ونرفع راسهم دايما ، ويخلينا سبب سعادتهم وراحتهم في الدنيا
والاخرة
......
مش عارفة ترتيب بطة الكام في العشرة الاوائل دول !!!! بس المهم انها منهم :)
.................
الف مليون مبروك يا بطوووووووووووووووووووووط :)
وعقبال نتيجتنا كده بتاعة حاسبات :) ربنا يستر :)

الاثنين، 28 يونيو 2010

وداع لاحسن ناس :)



السلام عليكم ورحمة الله وبركاته
..............
يارب يكون الجميع بخير ....وحل كويس في الامتحانات :)
................
الحمد لله على سلامة الجميع, وربنا يستر علينا ان شاء الله ونطلع من الكلية دي باكبر استفادة ان شاء الله....
البوست ده عايزة اودع فيه حبايبي (سنة رابعة)...وعايزة اقولهم بالتوفيق يا شباب...وربنا يرزقكوا الخير دايما وتعبكو مش يضيع ابدا...
حبايبي دول هما حوبـــــــــــا ومروة وياسمين وهيام و آمنة ومهجة وكل القسم الحلو ده
(IS)
والناس كمان بتوع
(CS)
ربنا يوفقكوا جميعا يارب ونشوف مشاريعكو كلها من احسن المشاريع
ونفرح بيكو ومعاكو في حفل التخرج ;)
عقبالنا كده ان شاء الله :):)
الوداع مش معناه اننا مش هنتقابل...
الوداع والى لقاء قريب بإذن الله :)

سلامو عليكو

الاثنين، 10 مايو 2010



السلام عليكم ورحمة الله وبركاته
...............
الامتحانات على الابواب ...
والمشاريع وقتها ضيق جدا...
لذلك ... حبيت اتوقف شوية عن نشاطي على المدونة، ولنا عودة ان شاء الله
واتمنى للجميع التوفيق في المشاريع والمذاكرة ثم الامتحانات
ربنا يوفقنا جميعا ونلاقي نتيجة تعبنا خير كتير ان شاء الله
.......
دعواتكو ليا انا كمان ... والله المستعان

سلاااااااااامو عليكو

السبت، 8 مايو 2010

قمة الظلم



من الظلم

حينما تحاول ان تسعد انسانا
بكل ماتستطيع بينما يكون
هو السبب فى حزنك

من الظلم

ان تجعله ينام والابتسامه مرسومه
على شفتيه ولكنه يجعلك تنام
محروما من الابتسامه

من الظلم

ان تصرخ حزنا والما حينما يتألم
وحينما انت تتالم لايشعر هو حتى
بحزنك ولا المك


من الظلم

حينما تتعب كثيرا لكى لايبكى فيتخلى عنك
ويذهب الى من يجعلونه يبكى رغماعنك
فتبكى انت حينها حزنا عليه

من الظلم

ان تشتريه باغلى الاثمان
فيبعك بلا ثمن

قمه الظلم

ان تدافع عنه وان كان هو المخطيء تماما
بينما يتفرج هو على من يتهمك بالخطأ
وهو يعلم بانك على صواب

الأحد، 18 أبريل 2010

IS vs. CS



السلام عليكم ورحمة الله وبركاته
...........................
انا من سنة اولى في الكلية دي وانا بفكر في الاقسام والتخصصات وعملت بحث على كذا حاجة وجبت الخلاصة....
.........
ملحوظة:
منعا للاحباط...انا جبت اللي عن قسم علوم حاسب ونظم المعلومات وبس علشان هما دول القسمين اللي عندنا في الفيوم...بس اللي عايز يعرف اكتر وينبهر بالاقسام التانية...مفيش اي مشاكل اني احطهم....
...
اسيبكو بقى مع الاقسام:
======================
أ - قسم علوم الحاسب Computer Sciences Department = CS :
القسم ده من اجمل الاقسام اللي في كلية الحاسبات و المعلومات ...

و ده لأنك ح تاخد فيه معظم لغات البرمجة الموجودة في الكمبيوتر يعني مثلاً زي ( السي و السي بلس و السي بلس بلس و الجافا و الاسيمبلي و السي شارب ... الخ الخ ... ) ..
القسم ده الرياضه فيه مش كتير قد ما البرمجه فيه اكتر ..
المواد بتاعته بتختلف من جامعة لجامعة , لكن عموماً المواد باختصار بتعلمك ازاي تترجم لغات البرامج و ازاي تدرس البنية التحتية للبرمجيات , لانك ح تبقى مصمم برمجيات او مبرمج , و المبرمج بيهتم بالبنية التحتية للبرنامج ..
كذلك بتاخد مقتطفات عن برمجة الشبكات و مواقع الانترنت ...
لكن دراستك في هذا القسم بتنصب على برمجة الحاسب ...

التخصص في هذا القسم من سنة تالتة في بعض الجامعات زي حلوان ... و في من سنة رابعة زي عين شمس ... و في حاسبات بنها مفيش غير القسم ده و بس ...

طبعاً لقبك في مصر بيبقى مبرمج او مطور و رسمياً اسمك اخصائي حاسب , في بره مصر : مهندس برمجيات ...
المستقبل في هذا القسم مشرق جداً , و شغلك ح يكون في شركات الكمبيوتر اللي في مصر ..
و يا سلام لو طلعت من العشرة الاوائل في الكلية , شركات زي مايكروسوفت و اوراكل بتاخدك تشغلك ...
- - - - - - - - - - - - - - - - - - -

ب - قسم نظم المعلومات Information Systems Department = IS :
قسم نظم المعلومات من اجمل اقسام الكلية فعلاً ...
و للعلم لا خريج من نظم معلومات الا و بيشتغل في شركات كبيرة و بمرتبات رائعة ...
طبعاً نظم المعلومات بتدرس برمجة و بعض من شبكات الانترنت و الاتصالات و بعض من مواد التسويق و ادارة الاعمال ...
طبعاً البرمجة هنا باقصد برمجة قواعد البيانات SQL ...
الا انه برضه بياخد بعض لغات البرمجة مش كلها ..
بس دراسته تنصب على قواعد البيانات ...

المواد باختصار بتتكلم عن التجارة الالكترونية , و برمجة قواعد البيانات و هندسة المعلومات , و كمان بتتكلم عن نظم المعلومات الادارية و الجغرافية , و تطوير العمل المكتبي ... بالبلدي , ازاي تتعلم تصمم برامج لادارة الشركات و البنوك ... و ازاي تخزن بيانات الشركة كلها على برنامج واحد او على موقع انترنت واحد ...

لقبك جوه مصر : اخصائي نظم او مطور او مبرمج برضه , بره مصر : مهندس معلومات , او مهندس معلوماتية ...

المستقبل هنا لا تعليق , كل الخريجين من القسم ده بيشتغلوا في البنوك و في الشركات الكبيرة , بل ان بعض كليات الحاسبات بتهتم بالقسم ده اكتر , لان الشغل هنا بيبقى احسن كمان ...

بس خد بالك , لو ليك في برمجة قواعد البيانات فعلاً , يبقى عليك و على القسم ده ...
========
انا كمان حبيت اقول اني من غير م اعرف الفرق بين القسمين ...كنت حابة جدا نظم معلومات...واللي يلاحظ في ملف التعريف من زمان انا كاتبة التخصص نظم معلومات :)
.....
تحياتي

الاثنين، 12 أبريل 2010

قلوب اطفال...





السلام عليكم ورحمة الله وبركاته

القلوب اطفال مهما كبرنا
يبقى القلب طفلاً بريئا
يهوى كل جميل
ويصدق كل كلمه طيبه
ويتأثر من كلمه فتجده يبكي كالطفل
مهما حجبنا تلك الدموع من اعيننا
يبقى انين ذلك الطفل واضحا في تصرفاتنا
وكلماتنا.. فهو لا يقوى على الجروح
وكلما كان قلبك قلب طفل..كلما قال الناس عنك انك صاحب قلب كبير
ومن جعل قلبه يحمل الكره والحقد والحسد ككبار هذا الزمان
قال الناس عنه .."ما اصغر قلبك"
فلتدعو قلوبكم أطفالاً!
تبكي لجرحكم..وتعشق كل جميل وبريء
وتقبل من أحبها دون خوف
وتبتسم لكل مداعبة بريئه ولكل كلمة طريفه
وعلموها ذكر الله
حتى تبقى رطبة كطفل رضيع ملائكي..
لا تحرموها متعة الحياة
ومشاركة الاخرين فرحتهم وحزنهم
متعوا قلوبكم بمتعة العفوية و التلقائية
احموها من جليد الكبر والأنانية
لاتحبسوها في قفص القسوه والحرمان

فالقلوب اطفال
وخيركم من احسن تربية ذلك الطفل

الثلاثاء، 6 أبريل 2010



فرحاااااااااااانة
انا مبسوطة اووووووووووووي
.........
لو ايه اللي حصل....ان شاء الله هفضل مبسوطة وفرحانة طووووووووول اليوم :):):):)
.................
الحمد لله :):):)
........
تعليق صغير: ياريتني كنت فعلا بضحك ساعة الا ربع....ده انا كده محدش قدي.....
ساعة الا ربع!!!!!!!!!!!!!!

الثلاثاء، 30 مارس 2010

خاطرة...




لست أدري في أي منعطف على الطريق أضعت الشخص الذي ..............كنت عليه !!

الثلاثاء، 23 مارس 2010




السلام عليكم ورحمة الله وبركاته
.....................
اتمنى الكل يكون بخير

انا حبيت احكي عن محاضرة علمية حضرتها امبارح(يوم الاثنين 22-3-2010)

المحاضرة دي كانت في المجمع العلمي المصري في القاهرة...
المحاضرة كانت بعنوان:"الاعمدة السبعة للمعرفة الجديدة"
المحاضر كان العالم الدكتور اسماعيل سراج الدين،مدير مكتبة الاسكندرية وعضو المجمع....

احلى حاجة في المحاضرة دي انها كانت موجهة لعمداء الكليات المصرية والاساتذة الجامعيين.... بس انا وصلتني دعوة برضه:)....قلت مش هضيع الفرصة

طبعا انا حضرت المحاضرة دي بعد الكلية....سافرنا وللاسف وصلنا متأخرين...وكانت المحاضرة ابتدت خلاص :(

لكن الجزء اللي انا شفته كان كله بيتكلم عن :
nano technology,Automata,image processing,databases,simulations...
حاجات كتير م اللي احنا بندرسها ومن صميم شغل الكمبيوتر...
وطبعا ازاي الطب يستفيد من برامج الكمبيوتر ، والزراعة والارصاد...
يعني مشاريع التخرج اللي في الكلية عندنا :)

وبعد المحاضرة كان الناس بتتكلم معاه وبتسأله والمصورين والصحفيين بيعملوا لقاء سريع :)
بس لما رئيس مجمع اللغة العربية(مجمع الخالدين) الدكتور (محمود حافظ) عرف ان احنا جايين م الفيوم....شكرنا كتير على حرصنا على حضور المحاضرة والسعي في طلب العلم... وقال ان احنا الشباب اللي مصر هتسعد بيهم..وانه تشرف بحضورنا :):)

................
طبعا انا عجبني في اليوم ده الاحساس المختلف اللي انا كنت حاسة بيه...كنت حاسة بالنضج الفكري اوي...وشايفة ناس واعية ودكاترة جامعات مصر كلها...بجد حاجة تفرح اوي :)
........
اتمنى الناس اللي وجهتلي الدعوة دي ....ما يبخلوش عليا بالحاجات الحلوة دي تاني....
وانا قلتلهم اني ان شاء الله هحاول اوصل اي دعوة للناس اللي معايا في الكلية ...لاننا اولى الناس بمعرفة الحاجات دي ....والله حاجات حلوة وهتفيد كتير في مشروعات التخرج والشغل ان شاء الله
:)
........
يوم تحفة بجد :)

الاثنين، 22 مارس 2010

مبروك النجاح:)




السلام عليكم ورحمة الله وبركاته
...........................
الف مبروك لكل الناجحين ...
وربنا يديم علينا الافراح والنجاح....
عايزين نشد حيلنا اكتر في الترم التاني ان شاء الله....
وعقبال التخرج ان شاء الله :):):)
عايزين تقديرات اعلى علشان الكل يفرح....:):)
وربنا معانا جميعا ...وييسرلنا الامور ،
وكل صعب يهون باذن الله
..................
سلامو عليكو

السبت، 20 مارس 2010

اليك امي....


السلام عليكم ورحمة الله وبركاته
...........................

كل سنة وانت طيبة يا امي
وحشتيني اوي يا ماما
نفسي احضنك وابوس ايديكي...
بس اعمل ايه في الغربة :(
كل الناس دلوقتي مع امهاتها...
اللي زعلانين مع بعض بيتصالحوا...مع ان مهما حصل الام مش بتشيل من ولادها ولا زعلها بيدوم
وناس تانية متجمعين بيضحكوا وفرحانين....وبيدوها الهدايا
...........
انا عايزة اقول لاي حد...احمد ربنا ان مامتك معاك وارضيها في كل لحظة....غيرك محروم منها...او بعيد عنها
واللي مامته متوفية....ادعيلها بالرحمة والمغفرة...وانها تكون راضية عنك ومسامحاك
...........
نفسي الغي المسافات بينا واترمي في حضنك يا ماما:(....وحشني حضنك والله
ربنا يخليك ليا...ويديم عليا حبك ورضاك ودعاك ليا انا واخواتي
.......
اكيد مكالمة تليفونية مش هتوصل الاحساس
لكن ده كل اللي انا وانت نقدر نعمله....
ربنا يخليك ليا يااااااارب ويجمعنا على خير قريبا ان شاء الله...

الجمعة، 19 مارس 2010




السلام عليكم ورحمة الله وبركاته
بعد تعديل العنوان:

دي قصيدة كتبها احمد حلمي (الممثل) ....لكن جميلة جدا...زي ماهو مسميها عصيدة "مقصودة بدون قصد"
.....
اللي حابب يشوف المقال كله والقصيدة:
http://www.dostor.org/weekly/reportage/10/march/9/8971
....................

مقصودة بدون قصد..

مرصودة كل الرصد..

مكتوبة عن عمد..

عمرها من زمن مد..

مبحوحة من غير بح..

مدبوحة من غير سح..

منقوطة من غير نقط..

مغلوطة من غير غلط..

صعبان عليا حالك اللي اتقلب..

مسكين بجد تاريخك اللي اكتأب..

ميمك.. مالت من تقل همها..

نشيدك اتبدل بكلام غمها..

صادك.. صياد مشهور بالأسر..

روحك راحت في لحظة غدر..

راءك.. راقدة بلا قومة..

مش سامع عليكي لا صويتة ولا زووومة..

علمك ما بيرفرفش..

هواكي ما بيطيرش..

صعبان عليا حالك اللي اتقلب..

مسكين بجد تاريخك اللي اكتأب..

شايك ليه خشب وقهوتك بقت سادة..

عيشك بقي حطب وملحك زاد بزيادة..

أهلك؟.. مفتكرش.. دول غلابة وطينهم يابس..

ضحكهم مدفون في وشهم يائس..

مال عيالك كده كبروا قبل أوانهم بكتير..

وأما سألنا عن السبب.. حلفولنا إن ده تغيير..

العجز في وشوش شبابك بقّع..

والبكا في عيون عواجيزك برطع..

زمنك مارد بوش بارد منك مابينكسفش..

تميليه مهما يميل مابيتكسرش..

صعبان عليا حالك اللي اتقلب..

مسكين بجد تاريخك اللي اكتأب

يا خسارة ماضيك اللي اتكتب

خيرك ضاع وغيرك كسب..

واللي يحبك عاش كسبان مات بعد ما اتغلب..

جمالك بقي بس.. اسم

اتنقل من اسم لاسم..

لسانك فقد النطق

صراخك مرار في البق

نهارك من سكانك خاف واستخبي ورا السور..

ليلك من سرّاقك كره نفسه وبضلمته بقي مضرور..

العمي فينا بقي نعمة البصر.. والحكم بينا بالظلم انتشر..

شبابك العجز بقي فخرهم.. ومن حقهم

لكن بعد التحري أتسجن حلمهم..

إحنا شعب الأرض.. إحنا دم العرض

حتي لو فرضوا الموت علينا فرض..

الخرس بقي صوت الجرس.. والحمار ركب الفرس..

صعبان عليا حالك اللي اتقلب..

مسكين بجد تاريخك اللي اكتأب..

الإيد خايفه من السلام..

والبطن مبيشبعهاش كلام..

والدفا في البرد عمره ما ينام

الشفا للمرض بقي زي حب الملاك للشيطان

الفقر من كتر فقره اتقلب بلطجة

مليون تترمي في سهرة.. وعند الفقير البريزة معصلجة

الجهل في الفصول عشش.. والمخ في دماغ العيال مشش

الكبد تلف من كل حتة.. والطحال راكب له جلدة

القلب عايزله زقة والمعدة حيطانها لازقة

سرطان هد الجتة.. كبير صغير مش فارقة

تبرعات.. حسابات وحسابات

صرف أدويه بالألفات.. وإن معكش في بيتكوا تبات

وإن عيطت يبقي خلاص.. زيك زي اللي قبلك فات ومات

يا تدفع يا تمشي من سكات

وإن إداك فرصة هايسبقها بصلي علي النبي.. عليه أفضل الصلوات

عليه الصلاة والسلام.. فرصتي لحد فين

النهاردة الاتنين.. معاك لحد يوم التلات..

يا تدفع يا تبيع عيالك أو اكفر بمصيبة ربنا كتبهالك

صعبان عليا حالك اللي أتقلب..

مسكين بجد تاريخك اللي اكتأب..

عارف لما تشوف الصبح بيطلع.. وإنت قاعد..

لما تلاقي قلبك بيدق وإنت بارد..

أو تنام وأنت شارد.. وتجري وأنت واقف.. وتبكي وأنت ساكت..

عارف لما عنيك تشوف جوه ناس.. وتحس بإحساس..

عارف لما تبقي كل حاجه غلط صح.. وكل حلال حرام

المية تبقي نار والنار يبقي مطر

عارف لما تسكت وجواك مليان كلام.. وتتكلم وأنت مش طايق الكلام

تشوف الكدب من العنين باظظ

وإن اتكلمت هاتبقي عنيك بتشوف مش زي ما انت باصص..

تمشي مش زي ما أنت رايح..

تتمني تموت وأنت عايش..

أو تعيش بس مش علي الهامش..

لما تحس إنك نصين لحاجة واحده.. بس مش بتوع بعض..

نص برق والتاني رعد

لما الأوتار تعور السمسمية

والدم يبقي مية..

صعبان عليا حالك اللي اتقلب

مسكين بجد تاريخك اللي اكتأب..

شويه حريفة وشوية حرفجية.. شاطرين.. بس في الفورياجية

عارف ولا مش عارف..

تفتكر في كام واحد عارف إنه مش عارف..

وكام واحد عارف إنه عارف..

وكام واحد مش عارف إنه مش عارف..

وكام واحد مش عارف إنه عارف..

أهم حاجة إن سمير صبري عارف إنه.. سكر حلوة الدنيا سكر..

صعبان عليا حالك اللي اتقلب..

مسكين بجد تاريخك اللي اكتأب..

إحنا جواكي مسافرين وشوقنا للرجوع مكابر..

لا جوعنا شبع ولا حزننا فرح ولا مرضنا خف..

الجوع أفندي أتجوز ست الحزن.. وبكفن مرضهم اتلف..

أنا بس عايز حد يفهمنا.. هو إحنا مفروضين عليكوا ولا حاجة..

ربنا يكفيكوا شر مرض الحاجة..

عارفة إيه اللي موتنا.. الحاجة..

الحاجة أصعب حاجة..

الحاجة لحرف وسط كلمة مش عايزة تكمل..

الحاجة لصوت ميت جوة حلق مش عايز يطلع..

الحاجة لروح زهقانة من صاحبها ومش عارفة تطلع..

الحاجة لودن مرة تسمع..

الحاجة لقلب نفسه يخشع..

الحاجة لضمير ميكونش مُقنع..

ربنا يكفينا ويكفيك شر الحاجة..

قولنا نمشي لو مش عايزنا في حاجة..

......
سلااااااااااامو عليكو

الأربعاء، 10 مارس 2010

سلام عليكم ورحمة الله وبركاته....
الابيات دي انا بحبها جدا جدا... وبجد كلماتها بسيطة ومعبرة....((سبحان اللـــــه!!!))

لله في الآفاق آيات لعــلّ أقلـ *** ــــها هو ما إليه هداكا

ولعل ما في النفس من آياته *** عجبٌ عجابٌ لو ترى عيناكا

والكون مشحون بأسرار إذا *** حاولت تفسيراً لها أعياكا

قل للطبيب تخطفته يد الردى *** من يا طبيب بطبه أرداكا

قل للمريض نجا وعوفي بعدما *** عجزت فنون الطب من عافاكا

قل للصحيح يموت لا من علة *** من بالمنايا يا صحيح دهاكا

قل للبصير وكان يحذر حفرة ً *** فهوى بها من ذا الذي أهواكا

بل سائل الأعمى خطا بين الزحـ *** ـام بلا اصطدام من يقود خطاكا

قل للجنين يعيش معزولاً بلا *** راعٍ ومرعى ما الذي يرعاكا

قل للوليد بكى وأجهش بالبكاء ْ *** لدى الولادة ما الذي أبكاكا

وإذا ترى الثعبان ينفث سمه *** فاسأله من ذا بالسموم حشاكا

واسأله كيف تعيش يا ثعبان أو *** كيف تحيا وهذا السم يملأُ فاكا

واسأل بطون النحل كيف تقاطرت *** شهداً وقل للشهد من حلاّكا

بل سائل اللبن المصفى كان بين *** دمٍ وفرثٍ من الذي صفّاكا

وإذا رأيت الحي يخرج من حنايا *** ميت فاسأله من يا حي قد أحياكا

قل للنبات يجف بعد تعهدٍ *** ورعايةٍ من بالجفافِ رماكا

وإذا رأيت النبت في الصحراء يربو *** وحده فاسأله من أرباكا

وإذا رأيت البدر يسري ناشراً *** أنواره فاسأله من أسراكا

واسأل شعاع الشمس يدنو وهي أبـ *** ــعد كل شيء ما الذي أدناكا

قل للمرير من الثمار من الذي *** بالمر من دون الثمارغذاكا

وإذا رأيت النخل مشقوق النوى *** فاسأله من يا نخل شق نواكا

وإذا رأيت النار شب لهيبها *** فاسأل لهيب النار من أوراكا

وإذا ترى الجبل الأشم مناطحاً *** قمم السحاب فسله من أرساكا

وإذا ترى صخراً تفجر بالمياه *** فسله من بالماء شق صفاكا

وإذا رأيت النهر بالعذب الزلال *** سرى فسله من الذي أجراكا

وإذا رأيت البحر بالماء الأجاج طغـ *** ــى فسله من الذي أطغاكا

وإذا رأيت الليل يغشي داجياً *** فاسأله من يا ليل حاك دجاكا

وإذا رأيت الصبح يسفر ضاحكاً *** فاسأله من يا صبح صاغ ضحاكا

ستجيب ما في الكون من آياته *** عجبٌ عجابٌ لو ترى عيناكا

ربي لك الحمد العظيم لذاتك *** حمداً وليس لواحدٍ إلاّ كا

يا مدرك الأبصار والأبصار لا *** تدري له ولكنهه إدراكا

إن لم تكن عيني تراك فإنني *** في كل شيء أستبين علاكا

يا منبت الأزهار عاطرة الشذى *** ما خاب يوماً من دعا ورجاكا

يا مجري الأنهار عاذبة الندى *** ما خاب يوماً من دعا ورجاكا

يا أيها الإنسان مهلاً ما الذي *** با لله جل جلاله أغراكا

الأحد، 28 فبراير 2010

my new blog:(

السلام عليكم ورحمة الله وبركاته
انا كنت وعدتكو الشهر اللي فات اني هغير المدونة واعدل فيها شوية
بس للاسف التعديل ده مش هو اللي كنت بتمناه...
في شوية حاجات كتير ملخبطة وحاحات موجودة انا نفسي مش عارفة لازمتها ايه...
عموما هي تقريبا ماشية بالمقلوب ...يعني من تحت لفوق!!!!!!
ان شاء الله هحاااااااااول اني اعمل حاجة احسن من كده...بس برضه عاجبني شكلها :)

تحياتي
......
اه صحيح...
وبالنسبة للصورة اللي
hamaki
كان قايللي اسيبها(صورة محمد عبد الوهاب)...انا سبتها اهو...اي خدمة :)
وبالنسبة للحاجة اللي
the unknown
كان قايللي مش احطها في المدونة...ومش قال عليها ...وانا تقريبا عرفت هي ايه...انا خلاص مش هحط الحاجة دي تاني...وده وعد ان شاء الله :)

الجمعة، 1 يناير 2010



سلام عليكم

كل سنة والمدونة بتاعتي بخير:)

الشهر ده في السنة الجديدة دي مدونتي الحبيبة هتكمل سنة

بجد انا عايزة اشكرها على انها ساعدتني اني اعرف ناس بطريقة اقرب واشاركهم اراء ومناسبات وحاجات حلوة كتيرة
بجد احب اقول لكل الحاسوباتيين اللي بيزوروا مدونتي ....نورتو يا احلى ناس في الدنيا.. ربنا يخليكو انتو ومشاركاتكو الحلوة دايما

ان شاء الله انا ناوية اجدد المدونة واخليها احلى.... بس هأجل الموضوع ده شوية عشان خاطر الامتحانات...ممكن الشهر الجاي اعمل كده، وقتها ان شاء الله هكون في الكويت وفاضية ليها ومتفرغة تقريبا :) :)

ان شاء الله ناوية مواضيعي تكون احسن وانضج وليها هدف.. ومش فيه مانع يعني من التهييس حبتين :):)
بس اكيد هغيرشكل المدونة وهتعجبكو ان شاء الله :)

كل سنة وانتو طيبيييييييييييييييييييييييين

سلاموز

;;