السلام عليكم ورحمة الله وبركاته
......
كل سنة وانتو طيبين بمناسبة 6 اكتوبر ....(وعلشان الاجازة كمان )
انا كنت عايزة اتكلم عن حاجة كده كل ما بفتكرها بزعل اوي...
في الكويت طبعا كلنا عارفين الغزو اللي حصل هناك سنة 1990 (كان عندي ساعتها 4 شهور :) )
استمر الغزو ده 7 شهور ... وانتهى الغزو يوم 26 فبراير 1991...
المهم ان الناس هناك اهتمت بالاحتفال باليوم ده دايما وفي نفس الوقت التذكير بالغزو وقد ايه هو كان (عدوان غاشم) زي ما كنا بندرسه دايما من اولى ابتدائي وفي كل المناهج!!!!
فعلا والله تكاد لا تخلو مادة من الموضوع ده... في العلوم مثلا يقولك: "اثر العدوان العراقي على بيئة الكويت والتربة و..و..و..."
في الاجتماعيات وحدة كاملة عن الغزو وعن التحرير
في التربية الاسلامية.... العدوان على الكويت وحكم الاسلام على هذا العدوان!!!
في اللغة العربية ... درس عن العدوان, ودرس كل سنة عن " خطبة سمو الامير حفظه الله في ذكرى العيد الوطني وعيد التحرير".
المهم يعني ان الـ 7 شهور دي بيهتموا بتذكيرها للاطفال والكبار بأي طريقة وفي مناهج التعليم ودي حاجة جميلة جدا...
نيجي بقى لـ مصر....
كااااااااااام عدوان وحرب حصلت في مصر واستمروا سنيييييييييييين مش شهور, لكن ايه اللي احنا بنفتكره فيهم ولا بندرس ايه في المدارس؟؟!! غير في اول السنة يقولك :"اكتب موضوعا عن حرب اكتوبر" ... و"قصة كفاح شعب مصر"!!!!
مصر دي حصللها العدوان الثلاثي ..من 3 دول كبيرة...وانتصرنا
ومعركة دنشواي (اللي انا كنت فكراها زمااان في ابشواي
:D...اللي اعرفها بقى )
وطبعا طبعا طبعا .... تحرير سيناء >>المناسبة الوحيدة اللي بتفرحني :)>>> عيد ميلادي بقى ;)
وفي 6 اكتوبر انتصرنا على اسرائيل بعد حرب رهيبة ونكسة و..و..و
المهم....مش تاريخ زي ده وانتصارات عظيمة زي دي اولى انها تتدرس في كل السنين وفي كل المناهج!!!!!
دي حاجة وجعاني اوي... اني هناك كنت عارفة تاريخ الكويت واحتلاله وتحريره ولازم كل سنة اكون حافظة الكلام ده واحتفل احتفالهم بيه...ومش لاقية مرجع اعرف فيه حاجة عن بلدي غير اللي بابا وماما بيحكولي عليه !!!!
......
انا تقريبا قلت اللي عندي ... يمكن مش هيفرق مع حد لكن انا فارقة معايا كتيييير وسايب جوايا فجوة ... نفسي حد يملاها ويفضل يفكرني بـ مصر وكفاااااح شعب مصر
.... اسفة جدااااااااا على الاطالة....وكل سنة وانتو طيبين
سلامو عليكو
8 التعليقات:
feki meza 7lwa :D bt7by elsh3ab welblad b2mana ya lmees wallahy :D 3moman b2a elnas ali anty btetklmy 3leehom fel Kuwait deeh nas mstry7a 3la ela2l felm3ysha mesh htklm 3n ba2y el7gat ali try7 elbny2dam lakn 3ndena hna hftkr leeeeeh ?? a ali y5lini aftkr agdady w ana asln mesh 3raef al2i lo2met 3eshy wla 3aref a3lm w aksy welady...tftkry y3ny lma aftkr h3'yr abdn wallahy kan nf3na lma aftkr taree5 el3ozmaa2 mn elISLAM lakn arg3 w a2ol el3eeeb felsh3ab ali 5erro mesh leeh w saket sha3b 5laaas mn kotr ma 5d belgzma b2a faker an dh el3adyyyyy bs wa3d leeki lma yt3'yr el7al w yb2a lya ana w awlady engzat hftkrha kol sna w hftkr kman ali gdody kano 3mlooh
اوك يا مريم انا مش مختلفة معاك في اللي قلتيه...
لكن بلدنا في الحال ده.. تستاهل ان ولادنا لمايكبروا ويلاقوها في الحالة دي يعرفوا ان مصر مش دايما كده...لأ ده كان ليها تاريخ وانتصارات اكبر من عمرهم بكتيييير... ده اللي قصدي عليه ..ان احنا نفتكر لبلدنا الحاجة الحلوة... وف نفس الوقت زي م انت قلتي نغيرها ونلاقي لقمة العيش والتعليم...
انا والله العظيم بحب مصر وبتصعب عليا اوي...مصر دي بلد طيبة غصب عن اي حد ...لكن شوفي اللي عايشين فيها مشوهين صورتها ازاي!!!
الوحش هو اللي بيظهر وبيتعرف للاسف.. لكن الحلو في البلد دي مالهوش ظهور!!
يلا بقى ربنا يهدي ويصلح الاحوال
وشكرا على التعليق :)
ma hwa lakn l2a el7lw kan eda el7lw ... asl faked elshy2 la yo3teeeeh w mhma 7sl mesh hyo3teeh..aman mesh 7sa bel2man fe bldy bld el2mn wel2man tftkry lma 7d yegy yzorna mn bra hn2dr nwreeha el2man ali a7na mesh shyfeno ello2ma w 3la 2dy da en l2eeeeeeeetha asln tftkry lma yegyeli deef h2dr a3zomo aw adeeeh w abenlo sora a7sn mn kda abdn wallahy ma h2dr wla 3'ery hy2dr el7al elwa7eeeeeed an yegy 7ad 3aref 2emt elbald deeeh w mshfshy elwe7sh ali feeha bysm3 bs el7lw ali 3nha (w ana shyfa an deeh meza felbrad3y 7ab masr w mshfshy el3zan fhy3rf ydeeha)ma 3lina mn kda bs elblad 3shn tet3'yr mesh hynf3 mn wa7ed 3aysh feeha aw dh r2y w e5tlaf elr2y la yofsed felwed kdia w hya bldna w bn7bha w nfsena tet3'yr bs ezai b2a m3rfshy el72ee2a
eeeeeh el kalaaaam el gaaamed daa ya lamoosaaa :):)
w eeh el saqafaa de kollahaaa mashaa alllaaaah :):)
7'aly baalek ya lamoosaa el nahardaa 6october ya3nyy momken te2oom 7aaarb 2e2felyy 3aleekyyy bab el 2oodaa kowyes w esta3'atyyy 2abl ma tenaamyyy:):):)
miss uuuuuuuu ya kameelaaa :):)
زيكووووووووووووووو
السلام عليكم ورحمه الله وبركاته
كل سنه وانتي طيبه
اقولك حاجه
كتاب شعب مصر كان حلو وجميل وكل حاجه بس انا صراحه مكنتش بحب اسلوب الكاتب خالص هههههههههه
اعتقد ان ابشواي دي في الفيوم صح؟
وبعدين انتي مش بتكتبي مواضيع غير في الاعياد والمناسبات الرسميه؟
ميمي ...
مش تخافيش عليا انا مستخبية تحت السرير اهو لو حصلت اي حاجة :)
بس تعالي مش تسيبينيش لوحدي كتييييييير :(
يلا مستنياكي ماشي...:)
زيكوو:
وعليكم السلام ورحمة الله وبركاته
وحضرتك طيب يا بشمهندس :)
انا مش عارفة اصلا الكتاب بيقول ايه ولا اسلوبه ازاي ولا الكاتب مين!!!!
وبالنسبة لابشواي فعلا هي في الفيوم وهي علشان بلدي فهي الحاجة الوحيدة اللي كنت اعرفها في مصر..!!!!!
..........
بالنسبة بقى لمواضيعي ... والله مش بتبقى مقصودة حكاية الاعياد والمناسبات الرسمية دي...هي بتيجي كده مع المزاااااج :)
شكرا جدا على ردك وان شاء الله المناسبة الرسمية الجاية ...قصدي الموضوع الجاي تنورنا فيه بالرد برضو :)
سلامو عليكو
مش عارفة ايه حالة الوطنية الفظيعة اللي(( نازلة ))عليا دي النهارده!!!!
من الصبح وانا فاتحة اليوتيوب وبسمع اغاني وطنية زي بحبك يا مصر ، انا م البلد دي ، حلوة بلادي السمرا ، شايلين ف ايدنا سلاح ، ده بالنسبة للقديم
الجديد بقى لو كنا بنحبها ، لو بتحبوا البلد دي ...!!!!!
إرسال تعليق