السلام عليكم ورحمة الله وبركاته
كتاب الرحيق المختوم...
بحث في السيرة النبوية على صاحبها افضل الصلاة والسلام،
تأليف فضيلة الشيخ صفيّ الرحمن المباركفوري - الجامعة السلفية - الهند،
طبعا الغلاف بيختلف حسب دار النشر اللي بتطبعه :)
البحث ده فاز بالجائزة الاولى لمسابقة السيرة النبوية اللي نظمتها (رابطة العالم الاسلامي) .
الكتاب ممتع جدا وتسلسل الاحداث فيه بيخليك تعيش المواقف ، ومش ممل ابدا على الرغم من طريقته البحثية !!!
انا اعتبر لسه بـ ابتدي قراءة الكتاب، لأني بصراحة قررت اقرؤه لحد ما كتابي التاني ( صيد الخاطر ) اللي بقى مخلل مع (صديقة) يرجع :D:D
انا عارفة انه ممتع وبرضه ما يتزهقش منه بس انا كمان عايزة اكمله :)
بس ان شاء الله هــ اسيبه معاها علشان تستفيد بأكبر قدر من الحِكَم اللي فيه، ولأني وعدت اني مش هتأخر على حد طالما اني في امكاني المساعدة والافادة ،
و هسيبه لحد م اخلص انا كمان كتاب ( الرحيق المختوم) :)
-^-^-^-^-^-^-^-^-
اصل انا اول مرة اتصفح مكتبة بابا والاقي فيها كمية الكتب الرهيييييييييييبة دي !!!
كتب اسمع عنها كتير بس ما فكرتش اقرأها قبل كده ، كنت ساعتها مشغولة بقراءة كتب لدكتور مصطفى محمود - رحمه الله - بس للاسف كانت soft copies :( ... طريقة بايخة اوي ومش فيها متعة تصفح الكتاب بالايد !!
بس قرأت شوية حلوين ما بين روايات ومسرحيات وابحاث...بس اكتر حاجة معلقة معايا تقريبا كتاب ( اينشتاين والنسبية ) كتاب جميل فعلا... ان شاء الله الاقي الوقت اني اقرأ كمان وكمان :)
وعندي كتاب اكتر من رااااااااااااائع لدكتور ( طارق السويدان) اسمه ( فلسطين..التاريخ المصور) بجد بجد بجد كتاب رهيييييييب !!!
وانا زي ما وعدت مش هبخل بأي كتاب على اي حد ... بس المهم يرجع :D :D اصل دي امانة، ولا ايييه :)
-^-^-^-^-^-^-^-^-
القراءة دي متعة كبيرة اوي ، لكن للاسف كانت غايبة عني كتييييييير :( :(
تمنياتي لصديقتي بقراءة واعية هادفة مفيدة، ولنفسي بالمثابرة و حصد نفائس و لآلي الكتب :)
سلام عليكم .
12 التعليقات:
السلام عليكم
ازيك ياميسو ؟
يارب تكونى بخير :)
عجبنى الموضوع اووى عشان بيكلم عن القراءه
الشىء اللى احنا مفتقدينه كتير اووى
بجد القرايه شىء ممتع للغايه. انا بحبها اوى
لما الواحد يبقى مضايق مثلا ممكن يجرب يقرى فى كتاب بيحبه . بتفرق معاه بجد
وزى ما قلتى فعلا تكون فى الهارد كوبى مش السوفت كوبى
احساسك وانتى ماسكه الكتاب اصلا وبتقلبى فى صفحاته لوحدو احساس رائع
انا بحس انى بلمس اللى الكاتب قايله وبعيشه مش مجرد قرايته بس
بالنسبه للكتب اللى قلتى على اساميها معرفش منها غير " فلسطين .. التاريخ المصور "
كنت قريت منه شويه قبل كده وعجبنى
وبصراحه شجعتينى انى ناويه اكمله ان شاء الله تانى
بس فعلا المشكله معانا الوقت وعدم التشجيع
بس الموقف بتاع صديقتك ده ممكن نطبقه بجد
يعنى نشجع نفسنا ع القرايه بتبادل الكتب وبكده هننتفع اكتر
ان شاء الله هنطبقها :)
شكرا على طرحك لهذا النايس توبيك :D
سلام
وعليكم السلام ورحمة الله وبركاته
dok dok:
انا الحمد لله بخير وفي احسن حالاتي كمان في الفترة دي!!!
اللهم لا حسد :)
.............
طبعا لشيء الملموس ليه رونق خاص ،
يعني مثلا الجريدة .. تفرق كتير في تقليب صفحاتها بإيدك عن تحريك الماوس ع الشاشة !!! اوووف ملل اوي
..............
الكتب اللي انا قلت عليها دي جامدة اووي والله وفيه حاجات تانية كتيييير بس كله بوقته ان شاء الله :)
وبالنسبة للكتاب اللي قرأتي جزء منه ، انصحك فعلا تكمليه لأنه رائع وتفصيلي ودقييييييق.
......
بالنسبة لحركة تبادل الكتب ، فكرة جميلة وانا برضو في الخدمة دايما واللي عايز كتاب يقول عليه بس وانا اشوفه متاح عندي ولا لأ :)
......
اما بالنسبة لـ هذا النايس توبيك :D فأنا أشكرك على هذا الاوبينين الرقيق ، وأشكرك بشدة على هذا الريبلاي وعلى هذه الفيزيت :D : D
وسلام
انا بردوا فعلا بحب القراءه جدا لانها بجد بتزيد من معلوماتى فى اى حاجه وبحس ان انا عندى خبره كويسه.بجد يا لميس موضوعاتك جميله جدا
nashwakkkk :D
منووووووووووورة يا نشوك :)
اكيد طبعا مش قصدك قراءة المحاضرات والسكاشن :P
تسلمي يا حبيبي على رايك :">
ومنورة بجد :)
سلام
Gameeeel Ya Lamooosaaaa :)
isALLAAAH aw3edek lama a7'alaas men el Term ellazeez daa 3ala 7'eeer isALLAAAAH haqraaa2 fehoom 3ashaan asma2hom gamelaah w gazaabaah :)
bas ana ba2aaa ha7'od menek el ketaab mesh haraga3oo taanyy :P:P:P
3andek maaane3 ya bnt :D
teslm eedk 3ala el mawdoo3 el gameel elly kaan sabaab fe enek ma tenameesh 3ashaan tesa7enaa netsa7aaar :D :P
تسلمي يا ميمي يا منورة دايمااااااا :)
انا برضو الكلية بتعطلني كتيييير عن كذا حاجة بحبها :(
يا ستي انت خدي اللي انت عايزاه ومش ترجعيه، علشان انا هعرف اوصللك واجيبه منك :P:P
آه... كان سحور لذيذ والله :)
يلا يا ست اخدت ثواب اهوو :)
انت بقى عليك السحور بكرة ;)
يلا بقى سلام :D
السلام عليكم ورحمة الله وبركاته
اولا شكرا ع الملحوظه اللي كانت ع الصوره
واسف معلش لسه شايف الكومنت دلوقت
وبالنسبه للقراءه غذاء العقل
وكتاب الرحيق المختوم من اعظم واشهر الكتب غني عن التعريف يعني
بس الكتاب التاني للدكتور طارق
اول مره اسمع عنه
اصل انا بحب كتب الخيال العلمي وكتب الالغاز
بس بأمانه من ساعه مادخلت الكليه
وانا مش ملتزم بيها اوي
بس اهو بحاول ف
كتب لاتحزن ومبادئ الاسلام
و25 قصه نجاح وكتاب استمتع بحياتك
بس مخلصتش الا كتاب ونص
شكرا جدا يابشمهندسه
والسلام عليكم
العندليب:
وعليكم السلام ورحمة الله وبركاته
ولا يهمك يا بشمهندس.. المهم الصورة اتغيرت :)
الرحيق المختوم جميل جدا ... الى الان :)
وكتاب دكتور طارق السويدان ..جميل برضو .. لانه تاريخ مصور !
هي فعلا الكلية اللي ضيقت علينا اوي في حكاية القراءة :(
نورت يا بشمهندس
سلام عليكم
السلام عليكم ورحمة الله وبركاته
ما شاء الله إختيار موفق وكتاب جميل كبداية للإطلاع علي للتاريخ الإسلامي
كنت بقرأ فيه زمان بس تركته مؤقتاً, لأن اليومين الدول أغلب قرأتي في الرقائق هبتدي أغير إن شاء الله
يمكن قريب شهرين كده أو أقل !
طبعا كتاب صيد الخاطر مش محتاج وصف غير انه أكثر من رائع
بس محتاج تركيز حبتين عشان المعني اللي "ابن الجوزي" عايز يوصله يوصل صح
أعتقد إنه مش لازم يقرأ بتسلسل لانه خواطر كتبت منفصلة ولم يرد لها التسلسل.
بس سؤال: هو الكتاب اللي مع حضرتك تحقيق مين او مين إعتني بيه - ولا الكتاب بدون تحقيق؟؟.
هو أنا عندي مكتبة برده بس محندقة كده وعلي قدي ربنا يسهل ونملاها للأجيال القادمة D:
بالنسبة للسوفت كوبي ده تقريبا الحاجة الوحيدة اللي بضطر اقراها ككتب سوفت هي بتاعت الدراسة !!
ماقريتش للدكتور مصطفي محمود خــــالص قبل كده, مش عارف يمكن احاول أقراله في المرحلة القادمة
بالنسبة للتبادل هو شيء جميل جدا بس نصيحة يعني مش لأي حد, زي ما حصل معايا لكتابي المسكيـــن "
استمتع بحياتك" أحد الإخوه من البلد - الله يسامحة بقي - استعارة ورجعه كده زي ما يكون كان بيضرب بيه
في خناقة ):
الكتاب الله يعينه في الإنعاش مش عارف أَجَلِده ولا ألزقه :(
يلا ما علينا....
الدكتور طارق السويدان بتعجبني كتبه لكن مش بحب اتفرج او اسمعله خالص
بس فيه سلسلة جمييييييييييييييييلة جدا جدا ألا وهي "سلسلة صناعة الثقافة"
ومن أهمها كتابين أنصح حضرتك بيهم جدا كبادية للسير الصحيح ع طريق القراية الفعالة المثمرة
أولهم كتاب "كيف أقرأ" والكتاب معروف عن ايه بيتكلم من عنوانه
وثانيهم "ماذا أقرأ", وده بيتكلم عن ايه المفروض الواحد يبدأ بيه وطريقة اختيار الكتب, وبيدي الكثير من
الكتب المقترحه من عدد كبير من العلماء والدعاة والتربويين ومصنفة علي حسب الفئات العمرية وترتيب
آخر علي حسب نوع الكتب وهكذا.....
بداية موفقة إن شاء الله وسيرعلي طريق القراءة وبدون عثرات ولا معوقات
بس أهم شيء لا تكوني ممن ينطبق عليهم قول واحد كده غريب ! بيقول :
"العرب لا يقرأون, وإذا قرأوا لايفهمون, وإذا فهموا لا يطبقون"
أنا بحاول بقدر الإمكان إني اتفاداها, ربنا يستر بقي
وأهم شيء النية قبل القراية وتكون لله في المقام الأول ثم لأي شيء خير بعدين.
سلاااااام عليكم
$$ ThE UnKnOwN $$ :
وعليكم السلام ورحمة الله وبركاته
الكتاب فعلا جميل وزي ما حضرتك قلت" كبداية للإطلاع علي للتاريخ الإسلامي
" وربنا يكرمني ان شاء الله واقدر اخلصه واستوعبه، وحضرتك كمان.
صيد الخاطر كتاب سلس وفي نفس الوقت "
محتاج تركيز حبتين" زي ما حضرتك قلت برضو..
بس بالنسبة للكتاب اللي معايا فـ هو حاليا مش معايا :D بس انا ماجاش في بالي اشوف التحقيق ده !! بس ان شاء الله هـ اعرف و ابلغ حضرتك..
ربنا يكرم حضرتك ان شاء الله والمكتبة المحندقة تبقى مرجع لكل الكتب المفيدة.. بس بعد اذن حضرتك هـ ابقى استعير منها كام كتاب كده :D وهيرجعوا بخير وسلام ان شاء الله..:)
دكتور مصطفى محمود معروف اكيد بس مش كل كتبه عجبتني، ويمكن كمان يؤخذ عليه الرأي المتصوف.. وده لاحظته في كتاب اسمه( الانسان والله ) وبصراحة انا سبت الكتاب وما كملتهوش!
انا كمان عانيت من حكاية التبادل دي:( بس المشكلة كمان ان الكتب كلها بتاعة والدي مش بتاعتي يعني لازم اكون حريصة على عودتها سالمة، لكن اللي حصل ان البعض منها لم يعود اصلا ! والعامل المشترك مع حضرتك ان الشخص المستعير م البلد برضو !
انا تقريبا لم اقرأ لدكتور سويدان غير الكتاب ده وبضع كلمات عن النجاح_ كان احد الكتّاب مستشهد بيها.
بس ان شاء الله اعمل بنصيحة حضرتك القيمة وابحث عن السلسلة دي.
ربنا يكرمك يا بشمهندس، وتأكد اني هـ اكون حريصة برضو على تفادي المقولة دي.
شكرا جداااا لحضرتك على ردودك ونصايحك وتوجيهاتك اللي اكيد بـ احترمها واعمل بيها.
سلاااام عليكم.
السلام عليكم
ازيك يا بشمهندسه
يارب تكوني بخير
الكتب اللي انت عرضيتيها جامده جدا
بس انا فرحان انك حطيتي الغلافين بتوع الكتابين دول
اصلي قريت فلسطين التاريخ المصور اكتر من تلات او اربع مرات بجد والله من اعظم الكتب اللي قريتها لانه جايب التاريخ من اول الخلق لحد العصر الحالي ومش سايب اي حاجه في تاريخ فلسطين
فعلا كتاب رائع وفرحان اني قريته اووووووووي وقريت برده الرحيق المختوم بس الغلاف كان مختلف تماما وبرده صاحب اخويا اخده مني وخلل عنده
zikoooo:
وعليكم السلام ورحمة الله وبركاته
انا الحمد لله بخير :)
الكتب دي فعلا تستاهل انها تُقرأ مرة واتنين وتلاتة :)
لانها م الكتب المفيدة فعلا معلوماتيا وحياتيا :)
انا برضو كتابي غلافه غير كده ... بس ده اللي لقيته ع النت بقى !
يارب الكتاب بتاع حضرتك يرجع بالسلامة :)
وعقبال كتابي انا كمان :)
شكرا جدا لحضرتك
و سلااام عليكم
إرسال تعليق