السلام عليكم ورحمة الله وبركاته
الحمد لله على سلامتنا بعد الامتحانات... والحمد لله الذي بنعمته تتم الصالحات... :)
انا عارفة انه الواحد خلص الامتحانات بقى ومش عايز اي حاجة تفكره بيها.. وخلي الواحد يبدأ الاجازة بقى وهو مبسووط... :)
طيب...انا عاملة المدونة دي علشان بـ افضفض فيها ...بتكلم وبقول الحلو والوحش اللي بيحصل!!!
خلاص...يبقى انا هتكلم بقى... ومعلش استحملوووووني :(
في فترة الامتحانات الاخيرة دي... ويمكن قبل كده كمان..
حصلي موقف اشبه بالفيلم الهندي... لا والله الافلام الهندي دلوقتي بقت ليها معنى وتتشاف!!!
بس الغبي هو اللي يعامل الناس على انهم اغبيااا ...
و انا بقى ( بعمل عبيط ) وبعديها بمزااااجي...
رسالة بس لابطال الفيلم الفاشل اللي اتعمل ده.... احترموا ذكاء الاخرين...واعرفوا انهم مش اغبياااء...
والله غباااااااء!!!
انا لو بعاملكو انتو , يبقى هتصرف بالسوء اللي انتو بتتصرفوا بيه...
لكن انا الحمد لله بعامل ربنا في كل حاجة...
وان شاء الله ربنا هينصرني ويباركلي ويوفقني...
اما انتو بقى...
راعوا ربنا في تصرفاتكوو...
يقول الامام علي كرم الله وجهه ورضي عنه( اذا تلذذت في الاثم فإن اللذة تزول .. والاثم يبقى، واذا تعبت في البر فإن التعب يزول ...والبر يبقى.)
فـ ياريت تدوروا ع اللي هـ يبقى ليكم !!!!
وانا بقى يكفيني اني اقول:
(يارب...ان لم يكن بك غضب علي فلا ابااااااااااااااالي)
..........
دي كمان حاجة شفتها كده برضو مكان ما...اعتقد انها مناسبة برضو:
لا تبكى على الطيبة فهى نادرة كالمعجزات ...بل افرح بطيبتك فهى ليست ضعفا بل كبرياء حتى الممات ومهما لاقيت من غدر فلا تقابل اساءة باساءات... بل قابلها باحسان ولك مزيد من الحسنات
حسنات من الغفور الرحيم مالك الارض والسماوات... فهل بعد كل هذا الخير تجد فى عينك دمعات
......................
اتمنى الرسالة تكون وصلت... والناس دي ما تعملش (عبيط)... وتحسن التصرف والتفكير والظن في الاخرين... !!!
واتمنى كمان ان اي حد زعلان مني يسامحني... علشان انا مش بحب حد يزعل مني :(
واللي عايزني ادعيلو يوم الجمعة يقول... :)
اصلي هكون على سفر ..( الكويت طبعا ... ان شاء الله ).... :)
اخيرااااااااااااااااااااااااا :)
.....
يلا بقى كفاية كده..
و سلام :)
9 التعليقات:
العندليب
السلام عليكم ورحمه الله وبركاته
مبروك الاجازه عليكي وعلينا ويارب تكون اجازه سعيده
المهم بقي يابشمهندسه بجد انتو كلكم اخواتنا بلا استثناء
وربنا يعلم
والمفروض كلنا نخاف ع بعض وانتي يابشمهندسه اكبر من كده بكتير وحضرتك طالما بتعملي ربنا تأكدي ان الناس دي لو بيحاولي يضايقوكي اكيد بعض كده انتي ف نظرهم بتكبري بأخلاقك والله مش مجامله حضرتك والناس كلهم اللي معانا محترمين فحنا لازم نحترمهم وانتي اولهم عشان اللي ف قلبك علي لسانك ودي بقت قليله اوي اليومين دول
سوري ع الاطاله
وتوصلي الكويت ان شاء الله بألف سلامه
وافتكري اخواتك بقي بسبحه اوطاقيه
ههههههههه
توصلي بسلامه ويارب تكوني ديما بخير وميكونش فيه افلام هندي تاني
سلام عليكم
العندليب:
وعليكم السلام ورحمة الله وبركاته
الله يبارك في حضرتك يا بشمهندس :)
اجازة سعيدة علينا وع الكل ان شاء الله :)
.....
يارب يخليك يا بشمهندس.. والله الاحترام ده شيء متبادل بيننا في الدفعة الحمد لله :)
ربنا يديمه ان شاء الله :)
...
والله الواحد يا ما شاف من الناس .. وبيستغرب انه في ناس حاطة مصلحتها المطلقة فوق كل شيء، وتحقيقها يكون بأي طريقة مشروعة او غير مشروعة!!!
يلا ربنا يهديهم..
....
"اللي في قلبي على لساني".. الحمد لله بدون مجاملة، او تجريح كمان :)
.....
الله يسلم حضرتك..
ان شاء الله..بس كده :)
ياااارب فعلا الافلام دي تنتهي..
مع ان اللي في طبع مش بيغيره ،
والطبع بيغلب التطبع...
وكل حاجة بالمعنى ده :D
.....
شكراااا لحضرتك، وسلاااام عليكم
2wlan ..ed3eli yom el gom3a wenty 3la safr rbna ykrmny w ysl7li el7al w ysrli el s3b w abl kol dh ANI AD5OL EL FERDOUS BELA 7ESAB W AKON GARET EL NABY MO7MD 3LEEH AFDL ELSLA W AZKA EL SALAM W WALEDAY WELMOSLMEEN
sanyn...ahhh doniaaaa wenty elkbeera w eftkry leli dy2k el7lw weltmselo el3ozr w kameli fe 3ml ank 3beeta :D 3shn da byry77 awi ;)
salsn...twsali el kuwait belslama w trg3lna bela5bar els3eeda :D w rbna ykrmk ya sty w ysl7lk el7al w y3enk wla yo3en 3leeki w y7fzk w y7meeki w yzeeedk zka2 w yb3d 3nk ali byst3'bokiiii dooool
سلام عليكم و رحمة الله و بركاته
واضح إن الحالة لذيذة ...
و واضح إني مش فاهمه حاجه ...
و واضح إني هـ أتخانق معاكِ ...
يا بنتي أنا مش لسه شايفاكِ النهارده ... :(
و أنا أقول هي مالها ...
- بالمناسبة لالي مش كانت مريحاني برضو :( -
و بعدين اتهيألي عشان حكاية إني بعمل خاطر للناس ... D:
هههههههههههههههههههههههههههههه
طب أنا كده هـ أبقى مـ الناس الوحشين بقى D:
ميسو ميسو ميسو ...
ربنا يسهل إن شاء الله و أكلمك بعد مـ أخلص العذاب اللي إحنا فيه ده ... :-S
صحيح ...
لو عندك رقم فـ الكويت سينديهولي و سينديلي معاد الإقلاع و الوصول بـ توقيت واحد عشان مـ أتوهش ... D:
و ياريت كمان لو تعرفي ميمي معادها إمتى عشان الزهايمر ... :(
و سيبك انتِ مفيش حاجه مستاهله عشان بجد كل موقف و موقف تحسي انه اسوأ مـ اللي قبله .. فـ عادي بقى ... D:
تأقلمي :))
الناس اللي عايشين فـ المدينة الفاضلة دول نادرين ... D:
بس خليكِ هناك .. و لو عرفتي تفسحيلي مكان جنبك ياريت ... D:
نأسف ع الرخامة و الإطالة و كل اللي انتِ عارفاه ... D:
و طبعاً و لازمن و لابد أكون أول واحده تدعيلي ... D:
- أو آخر واحده .. بس افتكريني :( -
ربنا يسعدك يا ميسو و يريح بالك ... :*
و يوصلك الكويت بالسلامة كمان :)
السلام عليكم ورحمة الله وبركاته
أولا بالتوفيق إن شاء الله في النتيجة
ثانيا, كان اول بيتين خطروا في بالي:
و اعرض عن قول الجاهل السفيه *** فكل ما قال فهو فيه
ما ضَرَ بحر الفُرات يوماً *** أن خاضَ بَعضُ الكلاب فيه
واظنهم بيلخصوا الموقف
المفروض الناس اللي زي دول
ما تهتميش بيهم ولا ياخدوا اي مساحه من تفكيرك, مهما كانوا.
لان الإهتمام ده بيرفعهم لمنزله اعلي من قدرهم.
وعشان النوع ده كتير, والمواقف اللي بتحصل منهم أكتر, الوقوف عند كل موقف اعتقد انه مش صحيح.
ببساطة شديدة
"طنش تعش تنتعش"
فيه موقف جميييييييل جدا لسيدنا ابو بكر الصديق لما سبّه رجل, قال له سيدنا أبو بكر:
"سبُّك يدخل معك قبرك, ولن يدخل قبري"
واختم ببيتين للمتنبي:
فعشت ولا أبالي بالرزايا *** لأني ما انتفعت بأن أبالي
والثاني بيقول:
لو كل كلب عوى ألقمته حجراً *** لأصبح الصخر مثقالاً بدينارِ
تروحي وترجعي بالسلامة إن شاء الله
دعوات حضرتك معانا بالتوفيق!
سلام عليكم
سلام عليكم ورحمة الله وبركاته..
مريوومة:
اولا: ان شاء الله هدعيلك الدعوة اللي فضلنا ندعيها يوم ما روحت معاكو الساعة سبعة بالليل م الكلية ... فاكرة؟
وان شاء الله ربنا يجمعنا في الجنة ان شاء الله...احلى صحبة واحلى اخوات :)
ثانيا:
انا مش طبعي على فكرة الشكوى من حد، بس لما بتوصل معايا للاخر.. بقول!!
وانت بحب احكيلك التفاصيل، بس بلاش تزهقي انت بس :(
ثالثا:
الله يسلمك يا حبيبي، بس الاخبار الحلوة دي ، لا اعتقد انها ليا انا .. والله اعلم :D
سلام
فدوى:
وعليكم السلام ورحمة الله وبركاته
انت بالذات لازم تعرفي التفاصيييييل،
علشان تتعلمي يا فدوى...
بس ان شاء الله لينا قعدة ...وهكلمك قبل ما اسافر اسلم عليكِ واحكيلك الفيلم..علشان تاخدي بالك بعد كدة!!
انا رحلتي يوم الجمعة وميمي كمان
والعودة ان شاء الله يوم الجمعة برضو
:D:D بس 18-2 ان شاء الله :)
انا وميمي برضو!!! شفتي الصدفة !!!
يا ستي لا مدينة فاضلة ولا حاجة، بس الواحد نفسه الناس تعامله زي ما بيتعامل معاها بـ (صدق) و (امانة)!!
بس للاسف ..الواضح ان المصلحة فوق كل شيء!!
تسلمي على كلامك .. وطولي برااااحتك، المهم نشوفك ع المدونة دايما :)
$$ ThE UnKnOwN $$ :
وعليكم السلام ورحمة الله وبركاته
اولا:
ربنا يكرمنا جميعا ان شاء الله :)
وان شاء الله مش هيضيع تعبنا ...
ثانيا:
والله انا نفسي اني ما ابديش اي اهتمام بيهم، بس الواقع فرض عليا التعامل معاهم!!
لكن اللي اقدر اعمله اني مش هـ اهتم بمواقفهم...
وهمشي على مبدأ"طنش تعش تنتعش" :)
بس زي م انا قولت...نفسي الناس تعاملني زي ما انا بعاملهم بصدق:(
وده مش طلب صعب للدرجة !!
بس بجد كل استشهادات حضرتك في محلها وعجبتني اوووي :)
بجد بجد ...لا فض فوك :)
...
الله يسلم حضرتك ياااارب... وان شاء الله الدعوات محفوظة ... وربنا يستجيب ان شاء الله :)
سلام عليكم
awalan ... el 7amdullah eno el exaams 7'elset 3ala 7'eer w yarab kollena negeb natega 7elwa tefara7na kollena ya rab
tanyan ..7amdellah 3ala el salama ya lamosaaa
el7amdullah wallahy rabena karamna w tele3na b el salamah .. rabena yefregha w ye3ady el azma de 3ala 7'eer
b el nesba le el film el hendy ..No Comment 3ashan ana kont 7adrah w etfaragt 3aleh kollo ...rabena yehdy ya lamosaaa
salamy l el game3 :)
إرسال تعليق