السلام عليكم ورحمة الله وبركاته
في مقولة كنت قرأتها في مكان ما... بتقول:
( الأشخاص كالألوان، إذا رحل عن حياتك اللون الأحمر قد يهَّون عليك اللون الأخضر بعض الألم، لكنه مهما كان مخلصا لن يصبح أحمر في يوم من الأيام )...!!!!
انا عارفة اني كنت في يوم من الايام( اللون الاحمر) ... وعارفة انه فيه (لون اخضر) كمان... و فعلا انا متفقة على ان الاخضر ده مخلص - اتمنى ده- ،
بس برضه الاحمر هو الاحمر... والاخضر مش هيبقى احمر...!!
اسفة ان البعض مش هيفهم.. :(
بس اللي الكلام الجاي ده مفهوم ان شاء الله :)
في ناس نفسي بجد اقوللهم حاجات كتيييير...بس للاسف مش هينفع!!!
و ناس نفسي انصحهم كتييير بس مش هيقبلوا النصيحة مني!!!
و ناس نفسي اقوللهم اني مش منافس ليهم .. بس هما مش هيفهموا!!!
وناس نفسي لما ابص ليهم بس يعرفوا اللي انا عايزة اقوله...بس هما يبصوا بس !!!
وناس طول م انا بعيدة عنهم ببقى غالية عليهم .. ولما بيشوفوني .. يبان غير كده!!!
وناس نفسي اشوفهم اوي علشان ارتاح...بس لو شفتهم حاسة ان مش هتفرق معايا!!!
وناس نفسي ارجع اثق فيهم تاني .. بس هما مصرين على اني افقد الثقة فيهم!!!
وناس متأكدين ان هما بيفرقوا معايا...بس مش مقدرين ده!!!
وناس كانت حطاني في كفة ميزان مع ناس تانية.. ولسبب من الاسباب كفة الناس التانية هي اللي كسبت :(
--- > طبعا دي حاجة تزعلني من ناحية وتفرحني من ناحية تانية...
اللي يزعلني طبعا ان كفة الميزان عندي خسرت :(
بس اللي يفرحني اكيد ان انا كان ليا فرصة اني اكسب ، واتحطيت في مقارنة من ناس جميلة جدا ، وقصاد ناس جميلة برضو :)
الحمد لله على كل حال.... وربنا بيقسم الارزاق للناس كلها بـ عدل وحكمة :)
اللهم ارزقني ياااااااااااارب ...
...............
سلام عليكم
10 التعليقات:
السلام عليكم
ازيك يا لميس
يارب تكونى بخير
فعلااا التشبيه صحح
بس حطى فى بالك دايماا ان كل الناس مش زى بعضها زى مافى الكويس فى الوحش
زى كل حاجه فى حياتنا الشئ ومضاده
بصى من وجهه نظرى يعنى ان فى فتره فى حياتنا بناخد الدنيا فيها تجربه فى اللى بيقدر يتعامل معاها وفى اللى بتقابله عواقب مش عايز حتى يفكر فيها لكن ثقى دايماا ان الدنيا جميييييييله ومهما جرحتنا بصى بس لكا حاجه فرحتك وافتكريها
اسفه على الاطاله
موضوع جميييل جدااا
اتمنى المزيد ان شاء الله
سلام
وعليكم السلام
اهلا فاتن :)
منورة :)
شكرا جدا على رايك في التوبيك :)
وشكرا كمان على ردك الرقيق ده :)
وعجبني لما قلتي : " ومهما جرحتنا بصى بس لكا حاجه فرحتك وافتكريها " :)
ان شاء الله يا جميل كل حاجة هتكون احسن :)
شكرا ليك مرة تانية ، وسلام :)
gaaameeeeeeeeeeeeeeel aweeeeeeeeeeeeee ya lamosaaaaaa bgd :)
a7maar w a7'daaar w eeeeeh 7arakaat ....laaa2 de el thawraaah 3amalet 3amayelhaa w tala3et el mawaaheb :)
w yaa raaab ya lamoosaa tefdalyy a7maar 3alatool w yeb3ed 3annek el a7'daar daaa :)
laaa2 w eeh el pic niiiice bardo :)
السلام عليكم
اكدب عليكي لو قلتلك اني فهمت الي تحت ولا الي فوق :D:D
بس عايز اقول ان اي حد يرحل عن حياتك من غير ما تعملي ليه حاجه يبقي ميستهلش انك تفكري فيه اصلا واكيد ف الحاله دي هو الي خسران
دا بالنسبه للجزء الاول
ثانيا بقا
ليه مينفعش تنصحي او تقولي الي ف نفسك انا شايف والله محاوله انك تقولي الي ف نفسك دا حتي لو هيتقابل بعدم التقبل احسن بكتير جدا من انك متقوليش علي الاقل هتبقي حاولتي وبعدين مترجعيش تندمي ب انك محاولتيش اصلا
بس دا الي فهمته وحبيت ارد عليه :D
سلام
Mariam H:
ميمي :)
ايه المجاملة دي بس ، لا مواهب ولا حاجة ... هو فعلا مش كلامي بس متفقة معاه جداااااا !!!
ويا ستي الثورة دي فعلا هتخلي كل الناس ايجابية وبتتكلم ... وانا طبعا منهم ان شاء الله :)
هتكلم طبعا في كل حاجة، المفيد والفاضي .. المهم اتكلم !!!!
يلا بقى عايزة اشوفك :*
Mohamed Hamada:
وعليكم السلام ورحمة الله وبركاته
لا من غير ما تحلف :D:D انا حاسة ان الكلام ملخبط شوية!!!
بس متأكده برضو انه مفهوم نوعا ما :)
بالنسبة للجزء الاول .. كنت اتمنى ان محدش خااالص يبقى خسران... وانا قلت برضو ان مكسبي اني كنت في حسابات الناس دي في يوم م الايام :)
بالنسبة للجزء التاني: والله انا على وشك اني اتكلم ، لاني بجد نفسي اتكلم.. بس الاقي اللي يسمع ويقبل !!
ان شاء الله هحاول علشان ما اندمش زي ما بتقول، بس استجمع شجاعتي بس ، وربنا يستر ع اللي هيحصل بعد كده :)
شكرا جدا ع الرد والتشجيع :)
سلام
سلام عليكم و رحمة الله و بركاته
عودووون أحمدووون الأول بس كده ... D:
على ما اعتكد إني فهمت الأحمر و الأخضر و يارب فهمي يكون صح ... D:
الأحمر غير الأخضر أكيد ... :)
بس ساعات لون واحد فيهم بـ يصبّر على عدم وجود التاني ... D:
- كلامي ده معارض مع كلام ميمي .. مين فينا صح D: -
المهم يعني ...
مش كل حاجه نفسنا فيها بـ تتحقق ...
بس تحديدك لـ الحاجات اللي نفسك فيها شايفه إنها حاجه حلوة ... :)
كمان أنا مع رأي لو حاجه عايزه تقوليها قوليها .. خصوصاً لو نصيحة عشان فعلاً بعد كده ممكن تندمي ...
غير إن مش لازم كل توقعاتنا تبقى صح ...
استجمعي قواكِ الشجاعية و اتكلي ع الله ... :)
آه .. و حكاية "وناس طول م انا بعيدة عنهم ببقى غالية عليهم .. ولما بيشوفوني .. يبان غير كده!!!"
في ناس مش بيعرفوا يعبّروا ع اللي جوّاهم ...
فـ مش ضروري يعني كل حاجه تبان ... D:
مش عارفه أعلق على ايه تاني ... D:
حبيت بس أعدّي و ارمي التمااسي ... :)
سي يو سوووون إن شاء الله ... :*
fosdo2a :
وعليكم السلام ورحمة الله وبركاته
تماااام اوي انك فهمتي :) اتمنى فعلا تكوني فهمتي :)
والله هو على حسب الاحمر والاخضر في الموقف!! قد يحتمل رأيك ورأي ميمي ، مش هنختلف يعني :)
واضح كده ان فيه اجماع على اني أ(قول واتكلم ...قول كل اللي نفسك فيه) :D:D
انا عارفة ان فيه ناس مش بتعرف تعبر عن اللي جواها - لان انا احيانا بعمل زيهم ومش بعرف اعبر في بعض المواقف!!
انتي نورتيني وافدتيني كمان بتعليقك ده.. وكالعادة منورة دايماااااا :*
سي يوو بكرة ان شاء الله :*
السلام عليكم ورحمه الله وبركاته:
ازي حضرتك يابشمهندسه
معلش بقي مكنش عندي نت
قطعوا النت عن الفيس بوك والنت بتاعي ف يوم واحد
عملت مظاهره طبعا ورجعلي النت
هههههههههههههه
المهم بالنسبه للموضوع احمر واخضر
حضرتك باين من كلامك ان فيه حاجات كتير عايزه تفضفضي عنها ومش عارفه تفضفي ازاي فبتحولي مثلا تكتبي قشور عن الفضفضه دي
من رأي لو فيه ناس عايزه توصلي ليهم رساله ما.... وجهيهم بأي طريقه عشان لو ظالمينك وحضرتك ليكي الحق ممكن بعد المواجهه الناس مكنتش تعرف انهم ظالمينك او مكنوش مهتمين بحاجه كانت بضايقك وهما ميعرفوش ان حضرتك بتضايقي منها....و ياريت مهما كان الانسان ده...وصلي ليهم الرساله ف السر وباللين يمكن
الناس اللي نفسك تنصحيهم وتقوليلهم الحاجات الكتير دي يمكن يكون فيه سوء تفاهم من الاول وحد وصلك المعلومه عنهم غلط ساعتها حضرتك انتي اللي خسرتي
من الاخر
قولي كل حاجه للناس اللي نفسك توصلي ليهم الكلام ده
عشان حضرتك ترتاحي من المخزون اللي حضرتك مخبياه ف قلبك
بس ف النهايه افتكري قبل ماتوجهي حد بالكلام ده....
ان مفيش حد فينا ملاك
ومحدش فينا معصوم من الخطأ
ومحدش فينا كامل
وحاولي باللين تقولي وتنصحي الناس دي ومفيش حد هيرفض نصيحتك طالما ف الخير
وان شاء الله مفيش ولا لون احمر ولا اخضر
هيبقي فيه اللون الابيض لون الصفاء والاخلاص والمحبه
وانا بعشقه جدا اللون ده
معلش طولت ع حضرتك وصدعتك
بس بقي اهو فرحان بالنت
ههههههه
سلام عليكم
العندليب:
وعليكم السلام ورحمة الله وبركاته
الحمد لله على سلامة النت بتاع حضرتك :)
=========
هو اللي اتضح ليا انه الموضوع ده اتفهم بطرق مختلفة كتيير، كل واحد حسب تصوره وتفسيره للاحمر والاخضر !!
اما بالنسبة لموضوع اني عايزة اتكلم او ( افضفض ) زي ما حضرتك بتقول، فـ ده لا خلاف عليه :)
و مع حضرتك برضو فـ ان كلنا معرضين للخطأ لان احنا بشر!
بس اللي ممكن اقوله ان انا شخصيا يسهل ارضائي - وانا متأكدة من ده- في حالة تحقيق الحاجات اللي تمنيتها في الموضوع بتاعي ده...
شكرا لحضرتك على رأيك ووجهة نظرك، وعودُ احمدُ لـ النت مرة تانية :)
سلام عليكم
إرسال تعليق