السلام عليكم ورحمة الله وبركاته
من الهوايات اللي بحبها جدا وقريبة جدا من قلبي وبتبسطني جدا لما بعملها..
الكتابة .. بس مش اي كتابة.. الكتابة بالخط العربي..
بحبها جدا :)
من وانا صغيرة كان بابا وماما ومدرساتي واصحابي يقولولي .. خطك حلو :)
كنت بفرح اووي ، والحمد لله كنت بـ احسن من نفسي في الكتابة والخط.. وبـ اطّلع على نماذج مكتوبة بـ خطوط تانية..
وكمان بيقولوا اني بـ ارسم حلو :)
فـ قلت ادخل الكتابة مع كام حركة في الرسم.. يمكن يطلع حاجة بنت ناس :)
====================
كنت ناوية آخد كورس في مدرسة تعليم الخط العربي... بس كان صعب شوية ،
قلت اروح مكتبات اطلع على كتب الخط العربي...
مرة يتيمة لن تتكرر :D رحت قصر ثقافة الفيوم وتصفحت كتاب عن الخط العربي..
بس للاسف لقيته بحررررررررررر كبييييييير ومش هتعلمه بسهولة في وقت الفراغ :(
ده محتاج تركيز وصفاء ذهن وقابلية للاستيعاب ..
لكن للاسف ولا حاجة من دول كانت متوفرة عندي في الفترة اللي قررت اتعلم فيها :(
بس ان شاء الله... انا مش هـ اهمل الهواية دي ...
واللي اعرفه هـ اعلمه لغيري... زي ما واحد قريبي كسب فيا ثواب وعلمني كام حركة في الخطوط :)
====================
من الخطوط اللي عندي خلفية عنها بالاضافة للخط العربي طبعا:
الخط الاندلسي ... بحبه برضو ، بس مش متمكنة فيه اوي :(
وكتبت دلوقتي بالخط ده
.. بس مش طلعت حلوة :(
هي حاجة كده تسيء للخط الاندلسي :D:D
فـ بلاش تريقة لو سمحتم :D
لاني لا استخدمت المسطرة ، ولا ظبطت الحروف ولا راعيت المسافات... !!
أمال جاية اعمل ايه !! :D
في كمان خط مش عارفة اسمه ايه??!!
بس هو حاجة كده ثلاثية الابعاد ولها ظل، والالوان لما تدخل فيه بيبقى حاجة كده تحفة :)
طبعا واضح من الصورة حاجة من اتنين ..
يا اما انا عاملة حاجة لا تمت للخط ده بصلة:D يمكن فيه شبه شوية :D:D
يا اما انا بـ اشتغلكو ومفيش حاجة اسمها الخط ده، وانا كنت بـ ارسم بس :D:D:D
====================
دول كام نموذج ع السريع عملتهم دلوقتي وانا بـ افكر...
كنت سرحانة يعني :D
فـ مش قد كده يعني .. بس ان شاء الله هبقى مركزة المرة الجاية :)
على فكرة ... مش كل المكتوب خط عربي..
فيه خط لميسيي كمان :D:D
وعلى فكرة كمان.. لم انتبه ان كل اللي كتبته كان في ورقة واحدة !!!
يعني ضيقتها على نفسي اوووي ، وربنا موسعها عليا !! :)
.......
دول تجربة كده زي ما قلت ...
فـ الله يخليكو بلاش تريقة ولا مقارنة :(
ان شاء الله المرة الجاية هـ تشوفوا خطّاطة :)
سلام عليكم
12 التعليقات:
ما شاء الله.. لأ خطك فعلا حلو
و فيه أمل فيه (و ديه شهادة أعتزى بيها طبعا)
بس بنت ناس ديه كلمة مسروقة من و احدة أعرفها أسمها باين مريومة روما مرمورة حاجة كدة :D
ما علينا طول عمرى معطاأه(بدى كتير يعنى)
بس لما تبدأى فعلا فى تنمية هويتك أدخلى بقى مسابقات و جيبى لمصر جوائز باسمها
إن شاء الله تقدرى.. أصلى أعرف ناس بتعمل كده.. و علمينى :D
كلهم ما شاء الله حلوييييييييييييين أوى و فيهم كده روح لميسية منبعتيها(أعتقد معنى الكلمة ديه حلو)
بس أحلى و احدة أخر صورة جميييييييييييييييييلة و تحسسك بمعنى الكلام بينوط من وسط الكلام(تشبيه بليغ)
مريومة...روما...مرمورة..حاجة كده :D
تسلمي يا مريممممم ، طبعا رأيك اعتز بيه :)
بس تعالي هنا ... مش معنى اني بحب الخط العربي يبقى هـ اطنش الاملاء العربي.. ايه الكلمة الغريبة دي ( معطاأه) !!
بذمتك شكلها راكب :D
اسمها معطاااااااءة :)
مسابقات :) يااااه فكرتيني بـ مسابقات الكويت :)
بس ان شاء الله تسمعوا اسمي قريبا في التلفزيووون :)
هـ اكون عملت حاجة لـ مصر ان شاء الله :)
هي الكلمة اصلا مش عارفة اقراها ( منبعتيها) مش عارفة اذا كانت كلمة على بعض ولا كلمتين لزقوا في بعض ولا شخبطة كيبورد :D
بس اكيد ان شاء الله معناها حلوو :D
يا سلام اتفضليها طبعا يا مريومة .. طالما عجبتك وبـ ( تنط) .. القطي بقى :D
يا عم التشبيهات البلييييغة ;)
السلام عليكم ورحمة الله وبركاته
ما شاء الله جميل الخط.
كويس إن الواحد يقضي فراغه في شيء جميل زي كده
انا ياما حاولت أتعلم بس للأسف مافيه تقدم خالـــص :(
وخطي ما شاء الله في بعض الأحيان لا يقرأ
مش عارف طالع لميــن ؟ مع إن أبي - الله يرحمه - كان خطــاط !! بس عادي أنا ورثت أشياء تانيه :)
بالنسبة للخط الثري دي المكتوب في الموضوع ده تقريبا قريب قوي من الكوفي الهندسي بس ده بقي نوع جديد
كوفي هندسي ثري دي D:
مادام فيه موهبة عند حضرتك - وده اللي أما شايفه - فـ مش هيثقلها وينميها سوي التكرار والتعلم ومجهود وبعض الإهتمام.
إتعلميها علي آيات القرأن وأبيات الشعر متهيألي هتبقي أحسن.
ما عليــنا؛
بالمناسبة دي حاجة كنت منزلها أيام ما كنت بحاول أتعلم
إن شاء الله تعجبك !
http://saaid.net/book/13/5063.rar
سلام عليكم
The Unknown:
وعليكم السلام ورحمة الله وبركاته
ربنا يكرمك يا بشمهندس :)
ان شاء الله حضرتك هـ تتعلم وتتحسن ، وتنافسنا كمان :)
بس استمر في المحاولة وابدأ ببعض الحروف ... زي اللي مكتوبة في الPDF اللي بعتها..:)
جميلة جدا ما شاء الله :)
انا اعرف فعلا ان شخصية الانسان بتظهر في خطه ..!!
وعلى فكرة :D
انا انطبق عليا التحليل اللي في صفحة 25 !!
بابا قاللي كده برضو :)
.....
بالنسبة بقى للخط الكوفي الهندسي الـ ثري دي :D فـ حضرتك ليك الحق في الاحتفاظ بحقوق الملكية الفكرية ، لاني خلاص اطلقت هذا الاسم على هذا الخط :)
.....
ان شااااء الله اثابر واهتم بـ (الموهبة) دي - زي ما شرفني تسمية حضرتك ليها :) :">
انا فعلا بكتب غالبا آيات قرآنية ..
ابيات الشعر دي الخطوة الجاية ان شاء الله :)
...
جميلة جدا فعلا وان شاء الله اكمل قراءتها، لاني شفت الصفحة 25 وعجبتني ووقفت عندها :D
شكرا لحضرتك ع التشجيع :)
وان شاء الله اكون عند حسن الظن :)
سلام عليكم
سلام عليكم و رحمة الله و بركاته
أيون أيون طلعي المستخبي ... ;)
ماشاء الله في أمل يا بنتي لا تكلكي ... :)
لما تيجي تتعلمي خديني معاكِ بقى... D:
أنا بـ أحب الخط بس مهملاه خاااالص ... :(
ياريت بس زوووم بقى على باقي الحاجات اللي مش باينه عشان النظر ضايع ... D:
و ياريت بعد كده مـ تنكريش إنك مـ خدتيش بالك إنك كاتبه فـ ورقة واحده ماشي ... P:
سيبك انتِ الخط الـ لميسيسي ده جامد ... ;)
- عجبني اسمه بجد :)) -
جووووو أووووون ... D:
fosdo2a:
وعليكم السلام ورحمة الله وبركاته
مستخبي ايه بس :)
كله ع الهواااا اهووو :)
تعالي انت بس وانا اظبطك ;)
معايا الاصل كله لو عايزة تشوفيه :)
وكتبت حاجات جديدة كمان :)
وربنا ما اخدتش بالي انه كله في مكان واحد :)
اصلا انا كنت بـ اعمله كده وخلاص ، بعدين جات فكرة توبيك المدونة :)
الخط الـ لميسي .. او الـ لميسيسي ده بلا فخر المفروض انه خطي العادي مع وية تزويق ;)
اتفضليه بقى ...
تسلمي يا حبيبي.. ان شاء الله اكيييييد هـ جووو اوووون :)
السلام عليكم
وانا بقول مسكة القلم ايه سرها.مسكة القلم ايه سرها :-?
طلع وراها مواااااهب
الخط ما شاء الله جميل اوووووى
والحق يقال لما شفناهم توداى
فى الكشكول احلى كتير من ده كمان :):)
جو أهيد يا ميسو وربنا يوفقك ان شاء الله
وابقلى علمينى احسن خطى بس. اقصى طموحى ان خطى يتقرى بس :D:D
علمينى الخط كويس وابقى اعلمك اى حاجه اى حاجه :D:D
ديييييييييل ؟؟؟؟
سلام
dokdok:
وعليكم السلام ورحمة الله وبركاته
هو انت اخدتي بالك من طريقة مسكة القلم :)
طيب دي حاجة حلوة خالص :)
ياااه ، مواهب ، والله فرحتوني يا جماعة :)
هما فعلا في الدفتر ع الطبيعة شكلهم اوضح كتير ..في الصورة باهتين شوية !
ان شاء الله استمر اكييييد، ومش تقلقي ..وراك لحد ما تبقي خطاطة كبيرة :)
بس اللي يصبر بقى :)
ديييييييل طبعا :)
وخدي كمية الـ سمايلات دي علشان ما تركزيش :D
:) :) :) :) :) :) :) :) :)
السلام عليكم
ياسلام خطك جميل جدا علي فكره ..
ميفرقش كتير عن خطي طبعا :D:D
انا اموت واعرف الدكاتره بيقروه ازاي :D
بس هو اغلب الولاد كدا مش انا بس طبعا :D
وعلي فكره الخط الجميل بيدل علي شخصيه منظمه
وبس
سلام
Mohamed Hamada:
وعليكم السلام ورحمة الله وبركاته
تسلم يا بشمهندس،ربنا يكرمك :)
حسستني ان خط حضرتك مش طلاسم كده ليه :)
انا شفته على فكرة ، شغال يعني :D
واضح ان حضرتك ليك في تحليل الخطوط والشخصيات... !!
بكل تواضع.. وصف حضرتك موفق :)
شكرا جدا لحضرتك،،،
و سلام
السلام عليكم
ازيك يا ميسو
يارب تكونى بخير
مش بقيت اشوفك فى الكليه خالص
نو كومينت بجد ربنا يحميكى
يابنتى نمى موهبتك دى
خطك جميييييييل جداا
سلام
faten:
وعليكم السلام ورحمة الله وبركاته
الحمد لله بخير :)
انا هروح فين يعني بعيد عن الكلية العزيزة .. انا فيها كل يوم تقريبا..
قدري كده بقى :)
ربنا يكرمك ...تسلمي على ذوقك :)
ان شاء الله هـ انميها واحافظ عليها :)
سلام
إرسال تعليق