L@mees

7 التعليقات:

Lamees يقول...

انا هكون اول واحدة اشارك واتمنى مش اكون الاخيرة...

انا معتبرة مراحل تعليمي هي اكبر تحدي ليا في حياتي وهيستمر معايا الى ماشاء الله...
ازاي؟؟

احكي من الاول - بس ماتزهقوش مني - اصل الموضوع يطول شرحه :
انا درست في الكويت من اول الروضة لحد 4 ابتدائي
الحمد لله كل السنين امتياز وكمان بطلع الأولى..

ظروف... نزلنا مصر استقرينا سنتين...المفروض ادخل ايه؟

المفروض خامسة ابتدائي واولى اعدادي...
لأ مش ده اللي حصل...
اصلي نسيت اقول اني لما كنت في رابعة ابتدائي كنت بمتحن خامسة ابتدائي في السفارة المصرية...

قالولي في مصر .. انت معاك شهادة لخامسة ابتدائي... يعني انت منتقلة للصف الاول الاعدادي!!!!
و رااااااااحت عليا سنة،،،
دخلت اولى اعدادي وتانية اعدادي في سنتين الاستقرار او زي ما انا بقول(( سنتين الغيبوبة))..
بجد كانت غيبوبة من التعليم!!
مدرسة متآكلة ، مدرسين اي كلام من غير ضمير، طريقة تدريس غريبة لا تسمن ولا تغني من جوع..
المهم..
انتهت الظروف...
رجعنا الكويت والحمد لله..
المفروض ادخل سنة كاااااااام؟؟؟
المفروض 3 متوسط اللي هي 3 اعدادي..
قالولي لأ... 3 اعدادي دي آخر سنة في اعدادي في مصر بس عندنا في الكويت آخر سنة هي 4 متوسط..
ودخلت 4 متوسط !!!
كده يبقى ضايع مني في مناهج التعليم في الكويت 3 سنين ( اولى وتاني وتالتة متوسط)... :(

كملت من 4 متوسط الى 4 ثانوي اللي هي الشهادة ورجعت مصر الحمد لله لدخول الكلية اللي انا اخترتها(( حاسبات ومش عارف ايه ))

طبعا واضح من الحسابات ان الكويت فيها 4 سنين ابتدائي و 4 متوسط و4 ثانوي = 12 سنة
في المقابل مصر فيها- او كان فيها- 5 ابتدائي و 3 اعدادي و 3 ثانوي = 11 سنة..
يعني لو اتنين قد بعض في السن اللي في مصر هيدخل الجامعة قبل اللي في الكويت بـ سنة

بس لو ركزتو في كلامي ... انا اختصرت سنة ( اللي هي 5 ابتدائي)
يعنيانا وضعي ما اتغيرش ..
ازاي؟
ما انا قلت اني اختصرت سنة، ورجعت اتأخرتها تاني في ثانوي.. :(

متهيألي محدش حصيلته التعليمية زيي (9 سنين بس)!!!!
وده تحدي كبير جدا في حياتي عانيت منه كتير ولسه بـ اعاني...
الحمد لله على كل شيء

انا بقى عايزة ابقى انسانة ناجحة تنفع نفسها وأهلها ودينها وبلدها، وتثبت انها بنت مش عادية... وترضي ربها قبل كل شيء

هاااا.. مين اللي هيكتب بعدي؟؟؟

17 فبراير 2009 في 4:32 ص  

Teawater يقول...

كل ده تعليق يا مفتريه
ههههههههههههههههه
طب هاغيظك
No Comment

17 فبراير 2009 في 7:47 ص  

Lamees يقول...

ماشي يا ست
متشكرين
بس انا حذرت من الاول وقلت هحكي بالتفصيل
بس اكيد في ناس هتجاملني وتكتب تعليقات حلوة
فيها comments كتييييييييييير
وهتشوفي يا بخيلة... :)

اللي هيكسفني.... يا ويله

17 فبراير 2009 في 10:36 ص  

$$ ThE UnKnOwN $$ يقول...

السلام عليكم ورحمة الله وبركاته

مش عارف بس حاسس ان اغلب الناس مش بتدخل اللي عايزاه

يعني انا كان نفسي ادخل طب صيدله
او بشري
بس المهم طب لاني كنت بحبه جدا وبحب الاحياء
بس للاسف المجموع صغير ع علمي علوم
فاضريت ادخل علمي رياضه
وانا مش بحب الرياضه من اصلو
بس القدر بقي
فاضطريت ازاكر رياضه 2 والحمد لله ع كل شيء
ما طلتش هندسه
والتنسيق بقي حااااااااسبات
بس الحمد لله بعد ما دخلتها لقيتني
بحب المجال ده جدا
بس برده ما نسيتش الطب ولا الاحياء
لسه برده بقرا ف الكتب اللي تخصهم والكتب الدراسية كمان بتاعتها
وكده الحمد لله رضيت بقضاء الله اللي بحمده عليه
وهو احسن حاجه ليا طبعا
وبرده ما سيبتش الحاجه اللي بحبها
وبكده وفقت بين شغلي والحاجات اللي بحبحها
معلش طووووولت....
سلااام عليكم

17 فبراير 2009 في 5:29 م  

Lamees يقول...

$$ThE UnKnOwN $$

واضح جدا ان حضرتك بتحب الطب اوي..
وعلى فكرة لايق عليك انك دكتور..:)
يارب نشوفك دكتور في الكلية ان شاء الله.. آمين

انا بردو بحب الأحياء جدا... وبحب الوراثة أكتر حاجة

وبما اني علمي علوم..
فكرت ادخل طب..بس استبعدت الموضوع عشان سبع سنين دراسة كتيرة اوي، وكمان كنت بتخيل التشريح والحاجات اللي زي دي..... لأ طبعا بخاف... :(

وصيدلة ... عمري ما حبيت الكيميا ولا حبيت دراستها...

أسنان... خليط من دراسة الطب البشري والعلوم... نفس الحكاية يعني..

بس طبعا بتشدني المواضيع الطبية جدا... بدليل اني من عشاق دكتور عادل عبد العال... :)

تقبل تحياتي يا دوك

18 فبراير 2009 في 1:25 م  

Teawater يقول...

رد اهو يا لمسه
لولولولي
انا هاقول بقا
بما اني خسرت التحدي
كنت حابه سيكريست
او يسكولولوجي
بس متساليش ازاي
تحياتي

لمسخ بليز شيلي تأكيد الكلمة من التعليق

18 فبراير 2009 في 3:21 م  

Lamees يقول...

منورة تاني يا تي ووتر

كنا هنحتاجك اوي تعالجينا في حاسبات لو كنتي دخلتي سايكولوجي
ههههههههههه

بس في الاخر طلعتي ضحية زينا ...
محتاجين علاج نفسي

18 فبراير 2009 في 3:46 م  

إرسال تعليق