الجمعة، 11 نوفمبر 2011

Lamees version XX.0

2 التعليقات مرسلة بواسطة Lamees في 3:38 م



‎" Lamees version 2.0" is not successful ... !!
actually , it was disappointing ... !!!
Now , i really don't know..
shall i back to " Lamees version 1.0" ???
OR try another newest version " Lamees version 3.0" ??????

 

الأحد، 6 نوفمبر 2011

عيدي غير :)

2 التعليقات مرسلة بواسطة Lamees في 11:30 م


السلام عليكم ورحمة الله وبركاته

كل سنة وانتم طيبين جميعا وربنا يتقبل منا صيام يوم عرفة ، ويتمم علينا السعادة والفرحة بقدوم العيد - عيد الاضحى - وربنا يرزقنا جميعا الحج ان شاء الله ..

الحمد لله انا عيدي غير ( يعني مختلف) و كل حاجة في حياتي بقت مختلفة ..
الحمد لله على كل نعمة ربنا انعم عليا بيها .. :)


انا تقريبا كنت عايشة لحظات الحج دي مع الناس .. كنت حاسة اني بـ احج معاهم ، ونفسي السنة الجاية ان شاء الله احج معاهم :)

ربنا يجمعني بيهم على خير ان شاء الله قريبا ... ياااارب قرّب الخير البعيد وتمم عليا الفرحة و ع الجميع :)

دي حاجة بسيطة كده لـ ........ ;)


أشتاق لهذا اليوم ونحن معا
أشتاق لسجدة تجمعنا هناك
تحتضن فيها قلوبنا الكعبة
يارب اكتبنا من حجاج بيتك العام القادم


و كل سنة وانتم طيبين :)


 

الأحد، 21 أغسطس 2011

اخيـــــــــــــــــــــــــــــــــرا ...

5 التعليقات مرسلة بواسطة Lamees في 1:53 ص



السلام عليكم ورحمة الله وبركاته

كل سنة وانتو بخير جميعا ...

والله الحياة من غير نت صعبة اووووي !!
:( :(

انا بس حابة اقول للناس اللي كانت متابعة معايا طول الاجازة،
وكانت مستنية يوم 5 رمضان...

" انا مـلِّـكت الحمد لله " ;)
المساكن .. بقت تمليــــــــــــــــــــــــك .. الحمد لله :) :D
الحمد لله .. الصبر حلو برضو .. وبجد شكرا لكل اللي دعى ليا وكان بيتابع معايا ... وبيصبرني :D
اصل اللي شفته في الوقت ده مش قليل !!
الحمد لله :)

ربنا يستر بقى ع الجاي :D
سلام عليكم

 

السبت، 2 يوليو 2011

(Ramadan(samistudio's caricature

8 التعليقات مرسلة بواسطة Lamees في 10:56 م


السلام عليكم ورحمة الله وبركاته

الشخص ده موهوب جدا ما شاء الله .. بتابع اعماله من اول ما ظهرت على موقع الاستاذ عمرو خالد..
ولحد صفحاته الخاصة ع النت وع الفيس..
افكاره جمييلة وبسيطة ومبدعة..
وبتوصل الفكرة بعبارات بسيطة جدا :)

----------------------
اكتر حاجة خنيقة فعلا في رمضان كمية المسلسلات التافهة والمتخلفة اللي بتتعرض عشرتاشر مرة على عشرتاشر قناة في عشرتاشر توقيت..!!!
والمستفززززززز انك تلاقي الناس بتتابع المسلسل الواحد على العشرتاشر قناة وتشوف الاعادة وتسمّع الاحداث بغباء...
معلش بس انا بجد بتشللل من الناس دي .. وللاسف ما دخلتش بيت الا والاقيهم بيقولوا احنا بنتابع مسلسل كذا وكذا وكذا وكذا وكذا وكذا بس الباقي بييجوا في نفس الوقت ومش بنلحق !!!!

الرررررحمة يا ناس .....!!!!!!!!!!!

نفسي اعرف مين ابن الحلال اللي اخترع عرض المسلسلات في رمضان... ده بياخد ذنووووب ..!!

بس انا متفائلة ان شاء الله بالسنة دي ... ان شاء الله التلفزيون هيتغير وسياسة تضييع وقت الناس قدام التلفزيون تتغير ، ويارب يكون اللي سمعته صح ، عن ان هيكون في عدد معين للمسلسلات تتعرض في رمضان ما يزيدش عنه ( مع اني افضل انه بلاها اصلا) علشان انا بكره التلفزيون اصلا!
----------------------------
اللهم بلغنا رمضان وتقبل منا يارب العالمين
وكل سنة وانتم بخير ...
حتة كويتي بقى :) -->رمضان كريم و عساكم من عواده :)

 

الأحد، 12 يونيو 2011

دعـــــــــــــــاء..

4 التعليقات مرسلة بواسطة Lamees في 10:38 م

السلام عليكم ورحمة الله وبركاته





اللهم لا تعلق قلبي بما ليس لي ....
واجعل لي فيما أحب نصيبا ....
ربي لا ادري ما تحمله لي الأيام ....
لكن ثقتي بأنك معي تكفيني ....
سبحانك ما أحلمك وبحالي ما أعلمك ....
وعلى تفريج همي ما أقدرك.....
=======================

 

الاثنين، 6 يونيو 2011

موقف اليوم....!!!

16 التعليقات مرسلة بواسطة Lamees في 9:28 م

السلام عليكم ورحمة الله وبركاته


سبحان الله !!!
النهاردة حصللي موقف غريب جداااا!!!
لم اتوقع ان تسير الامور بالشكل الذي سارت عليه!!!

اوقات بنتحط في مواقف و احنا قصدنا خير فيها .. بس تلاقي الاحداث حواليك اظهرت الامر بصورة اخرى!!

والله العظيم كان قصدي خيييييييييييير ... وكمان مقتنعة ان من واجبي اني اعمل اللي عملته...
مش متدايقة من كده ... بس ممكن اكون اتدايقت من رد الفعل اللي سببه موقفي ده مع الاشخاص المعنية...
وكمان تدخل بعض الاشخاص بصورة غريبة شوية ، وعدم توفيقهم في نقل الموقف للاشخاص المعنية...

يارب الناس تلتمس لي العذر وتتأكد من سلامة نيتي .. وتتقبل اعتذاري عن اي سوء تفاهم حصل بـ غير ارادتي !
و اكيد كل اللي شهد الموقف ده عارفين ان قصدي كان المصلحة ومنع اذى كان ممكن حدوثه..

واللي يقدر يقول في حقي شهادة حق ويؤكد على سلامة نيتي وحرصي ع المصلحة ...يبقى ارجوه انه لا يتأخر ،
علشان تأنيب الضمير ...
ياااااااااااااارب الناس تسامحني .....

 

الجمعة، 3 يونيو 2011

ابدأ منين...

4 التعليقات مرسلة بواسطة Lamees في 6:44 ص




ابدأ منين وأقولك ايه
دانا مهما اقولك مايكفيش
دى ساعات حاجات تحصل كدا تتحس لكن ما تتحكيش

ماشفتش فى جمالك ابدا ضحكة بتنور لى الدنيا
لما باقرب ليكى الخطوة باقرب زيها للجنة
كل اللى يهمك فيا الدين كملت اللى ناقصنى انا بيكى
نفسى اعيش جنبك احلى سنين بـ ارضى الله واكيد بـ ارضيكى
لما لقاكى غير كل الناس كان لازم يحلف مايسيبك
كان لازم قلبي يدوب احساس من بس يطول يبقى حبيبك


AIM Band

 

الجمعة، 20 مايو 2011

التسبيح أم الاستغفار؟

6 التعليقات مرسلة بواسطة Lamees في 4:01 م



السلام عليكم ورحمة الله وبركاته

سئل شيخ الإسلام ابن تيمية :

أيهما أنفع للعبد؟
التسبيح أم الاستغفار؟
فأجاب: إذا كان الثوب نقياً فالبخور وماء الورد أنفع له
وإذا كان دنساً فالصابون والماء الحار أنفع له
فالتسبيح بخور الأصفياء
و الاستغفار صابون العصاة

استغفرالله.......... فانه غفار الذنوب
وسبحه............. فانه ستار العيوب
............................................
.......................................
تسلمي يا مروة..بجد عجبتني اوي ..

 

السبت، 14 مايو 2011

قصيدة حب كمبيوترية ...(غير شكل)

16 التعليقات مرسلة بواسطة Lamees في 8:04 م


السلام عليكم ورحمة الله وبركاته

اكيد معظمنا مر علينا حاجات كده داخل فيها الكمبيوتر والمصطلحات بتاعته..
دي بقى قصيدة ( غيييير شكل) .. بالخليجي بقى :)
يعني نقرا واللي مش هيتفهم دلوقتي..الترجمة هتنزل قريب :)

يا عيني ..ده فيه ناس هتصعب عليا اووووي
وناس واثقة انها مش هترضى تكمل القصيدة اللذيذة دي :)
.................................

في دسك توب القلب سويـت فايـل
باسمك وخزنته بوسـط الديكومنـت
وبيجك على الفيفيرت مالـه بدايـل
في الميمورى والهستوري قد تدونت
فيروس حبك بـي مسـوي عمايـل
في هارد دسك القلب طحت وتمكنت
وايميل قلبي صار لك حيـل مايـل
يكشف لك الباسوورد من وين ماكنت
مبرمجه ديليت على كـل الرسايـل
وبلوك سيـدر للمخاليـق إلا أنـت
سويت شت داون ورستارت احايـل
اثرك على السيرفر بحاله تسلطنـت
جربت داون لود...باصعب وسايـل
عيل يتحمل غيرك وتالـي أذعنـت
لو سوت المـاوس بقلبـي هوايـل
سويت له ري فريش وبحبك اعلنت
ياويب ماستـر خاطـري بالقبايـل
مالي بايت غيـرك ولا بعـد أنـت
نذرت لك كيبورد عمري ..وشايـل
لك في فلوبي القلب صورة ولا خنت
وسويت لك إنتـر ولانـي بـقايـل
أندو ولو في مودم القلـب طعنـت
دبل كليك اضغط علـى كـل فايـل
في القلب ماتلقى من الناس إلا أنـت
.................
يا عيني فعلا..:)

 

الاثنين، 9 مايو 2011

يارب..

6 التعليقات مرسلة بواسطة Lamees في 11:39 م


ربـّــــاه .. أحتــــاجُـك وأحتـــاج ألّا أحتـــاج لأحــدٍ ســــواك ..
فيا ربـّـــي لا تحـــوّجنــي لغيـــرِك، ولا تجعـــل حاجتـــي إلا إليـــــك

---------------------------

عش حياتك بـ كل ثقة بأن الله يعلم ما لا تعلمه انت
ويخطط لك بـ افضل صورة
هو يراها لك

--------------------------



هينت صغير كده على جمب:

الحركة اللي انا عملتها النهاردة قبل الامتحان..
هي مش كانت هتفرق معايا كتير على قد ما فرقت معاها..
كان قصدي رفع روحها المعنوية و اسعادها ولو بـ وردة!
واكيد دي حاجة حلوة ان شاء الله ربنا يجازيني عليها...

مش زي ما في ناس افتكرت انها رياء ولا مصلحة ولا حاجة كده!!

 

السبت، 7 مايو 2011

!!! Totally shocked

6 التعليقات مرسلة بواسطة Lamees في 7:36 م

! ! ! No Comment


 

الثلاثاء، 3 مايو 2011

Maher Zain...Part1

2 التعليقات مرسلة بواسطة Lamees في 2:53 ص


السلام عليكم ورحمة الله وبركاته

(This is Maher Zain's album (Thank you ALLAH
:Starting with Part 1


Ya nabi salam alayka


The chosen one


Hold my hand


Always be there

Baraka ALLAH lakoma
===========================================
(i uploaded before ( in shaa ALLAH , For the rest of my life
===========================================
:Part 2 in shaa ALLAH will contain

Is ALLAH satisfied@

Open your eye@

Thank you ALLAH@

ALLAHi ALLAH@

Palistain you'll be free@

=========================
,,, To Be Continued

 

الجمعة، 29 أبريل 2011

waiting...

4 التعليقات مرسلة بواسطة Lamees في 2:10 م


...i'm waiting for 100 thing to be happened
!...BUT,i don't like waiting
:sometimes it makes me
!bored
:( hopeless
crazy :D

....,so, don't let me wait more
!O ALLAH give me more patient to stand this slow moving of time
!make me satisfied at the end of my long waiting

 

الأحد، 24 أبريل 2011

الخط العربي..

12 التعليقات مرسلة بواسطة Lamees في 5:08 ص


السلام عليكم ورحمة الله وبركاته


من الهوايات اللي بحبها جدا وقريبة جدا من قلبي وبتبسطني جدا لما بعملها..
الكتابة .. بس مش اي كتابة.. الكتابة بالخط العربي..
بحبها جدا :)
من وانا صغيرة كان بابا وماما ومدرساتي واصحابي يقولولي .. خطك حلو :)
كنت بفرح اووي ، والحمد لله كنت بـ احسن من نفسي في الكتابة والخط.. وبـ اطّلع على نماذج مكتوبة بـ خطوط تانية..
وكمان بيقولوا اني بـ ارسم حلو :)
فـ قلت ادخل الكتابة مع كام حركة في الرسم.. يمكن يطلع حاجة بنت ناس :)
====================
كنت ناوية آخد كورس في مدرسة تعليم الخط العربي... بس كان صعب شوية ،
قلت اروح مكتبات اطلع على كتب الخط العربي...
مرة يتيمة لن تتكرر :D رحت قصر ثقافة الفيوم وتصفحت كتاب عن الخط العربي..
بس للاسف لقيته بحررررررررررر كبييييييير ومش هتعلمه بسهولة في وقت الفراغ :(
ده محتاج تركيز وصفاء ذهن وقابلية للاستيعاب ..
لكن للاسف ولا حاجة من دول كانت متوفرة عندي في الفترة اللي قررت اتعلم فيها :(
بس ان شاء الله... انا مش هـ اهمل الهواية دي ...
واللي اعرفه هـ اعلمه لغيري... زي ما واحد قريبي كسب فيا ثواب وعلمني كام حركة في الخطوط :)
====================
من الخطوط اللي عندي خلفية عنها بالاضافة للخط العربي طبعا:
الخط الاندلسي ... بحبه برضو ، بس مش متمكنة فيه اوي :(
وكتبت دلوقتي بالخط ده
.. بس مش طلعت حلوة :(
هي حاجة كده تسيء للخط الاندلسي :D:D
فـ بلاش تريقة لو سمحتم :D
لاني لا استخدمت المسطرة ، ولا ظبطت الحروف ولا راعيت المسافات... !!
أمال جاية اعمل ايه !! :D


في كمان خط مش عارفة اسمه ايه??!!
بس هو حاجة كده ثلاثية الابعاد ولها ظل، والالوان لما تدخل فيه بيبقى حاجة كده تحفة :)

طبعا واضح من الصورة حاجة من اتنين ..
يا اما انا عاملة حاجة لا تمت للخط ده بصلة:D يمكن فيه شبه شوية :D:D
يا اما انا بـ اشتغلكو ومفيش حاجة اسمها الخط ده، وانا كنت بـ ارسم بس :D:D:D
====================
دول كام نموذج ع السريع عملتهم دلوقتي وانا بـ افكر...
كنت سرحانة يعني :D
فـ مش قد كده يعني .. بس ان شاء الله هبقى مركزة المرة الجاية :)
على فكرة ... مش كل المكتوب خط عربي..
فيه خط لميسيي كمان :D:D
وعلى فكرة كمان.. لم انتبه ان كل اللي كتبته كان في ورقة واحدة !!!
يعني ضيقتها على نفسي اوووي ، وربنا موسعها عليا !! :)





.......
دول تجربة كده زي ما قلت ...
فـ الله يخليكو بلاش تريقة ولا مقارنة :(

ان شاء الله المرة الجاية هـ تشوفوا خطّاطة :)

سلام عليكم

 

الثلاثاء، 19 أبريل 2011

The 21st is knocking my doors

16 التعليقات مرسلة بواسطة Lamees في 9:49 م


السلام عليكم ورحمة الله وبركاته


بعد كام يوم ان شاء الله ..
يعني لو ربنا احياني... لحد يوم الاتنين..
هكمل 21 سنة ...
البلونة دي كمان هـ تطير يوم الاتنين... !!
...................................................
يلا يا جماعة اديني بديكم اجازة كل سنة بمناسبة يوم ميلادي ... انبسطوا بقى ;)
وخلي البلونة تطير براحتها مكان ما يعجبها....



 

الأربعاء، 13 أبريل 2011

my doa'a for you...

0 التعليقات مرسلة بواسطة Lamees في 6:21 م




i respect you
i appreciate you
i'm proud of you

i ask ALLAH to make your life filled with happiness and blessing,
and fulfill all your dreams and
ambitious.

may ALLAH help you and protect you in each step you walk, guide you to all the right things,
and gather you with all your lovers.



 

الثلاثاء، 12 أبريل 2011

unstable mood....!!!!

10 التعليقات مرسلة بواسطة Lamees في 12:05 ص



السلام عليكم ورحمة الله وبركاته

يا نهااااااار !!!
ايه اللي حصل ليا النهاردة ده!!

بدأ اليوم وانا مبسوطة الحمد لله :)
بعدين جاتلي مكالمة.. قلبت الموود 180 درجة :(
قبل المحاضرة بقى الدنيا اتظبطت تاني :)
بعد المحاضرة حصلت حاجة كده خليتني متدايقة :(
بعد يوم النظافة اللي اتعمل في الكلية ... كنت مبسوطة :)
لما مشيت م الكلية كنت متدايقة :(
لما وصلت السكن كنت لسة متدايقة ... بس بعدين حصلت حاجة خلتني مبسووووووطة :) --- > ( واخدة بالك يا ميمي) ;)
نمت وصحيت والحمد لله لسه مبسوطة :)
...
على كل التحولات الغريبة والسريعة دي في الموود.. ربنا يستر عليا لحد اخر اليوم وباقي الايام الجاية :D

 

الخميس، 7 أبريل 2011

Expected Thing :)

6 التعليقات مرسلة بواسطة Lamees في 10:40 م

السلام عليكم ورحمة الله وبركاته




حاجة متوقعة جدا اللي بيحصل ده ...
بجد كنت عارفة ومتاكدة انه هييجي اليوم اللي يحصل فيه كده، بس مش متوقعة السرعة دي!!

ربنا يستر بقى ع الجاي ...
ربنا يصلح الاحوال ، ويهدينا للخير دايما

بس انا متفائلة ..
لكن في نفس الوقت مش عارفة اعمل ايه؟؟!!

كل اللي اقدر اقوله...
I'm Waiting....

وفي الاول وفي الاخر ... (( براحتك ))--> As You Like ;)
:) :) :)

و سلام

 

السبت، 2 أبريل 2011

Trials of life - Sami Yousef

0 التعليقات مرسلة بواسطة Lamees في 3:48 م


with lyrics...:)



 

الخميس، 31 مارس 2011

مبروك النجاح :)

18 التعليقات مرسلة بواسطة Lamees في 1:11 ص



السلام عليكم ورحمة الله وبركاته

الف مليوووون مبروك لكل الناس ...
الحمد لله الكل فرحان :)
وانا كمان الحمد لله راضية ومبسوطة :)
بس ان شاء الله الامتياز هيكون الترم التاني وفي المشرووع بإذن الله :)

الف مبرووك لكل حبايبي واصحابي .. وبجد تستاهلوا كل خييييير :)

سلام عليكم

 

الخميس، 24 مارس 2011

أتيتني..

0 التعليقات مرسلة بواسطة Lamees في 1:44 ص


السلام عليكم ورحمة الله وبركاته

أتيتني..
سامي يوسف


اللهم صلي وسلم على سيدنا محمد...

 

السبت، 19 مارس 2011

اشهد يا زمن...!!!!!

8 التعليقات مرسلة بواسطة Lamees في 8:30 م


:)


 

الجمعة، 18 مارس 2011

الرحيق المختوم

12 التعليقات مرسلة بواسطة Lamees في 1:10 ص


السلام عليكم ورحمة الله وبركاته

كتاب الرحيق المختوم...
بحث في السيرة النبوية على صاحبها افضل الصلاة والسلام،

تأليف فضيلة الشيخ صفيّ الرحمن المباركفوري - الجامعة السلفية - الهند،

طبعا الغلاف بيختلف حسب دار النشر اللي بتطبعه :)

البحث ده فاز بالجائزة الاولى لمسابقة السيرة النبوية اللي نظمتها (رابطة العالم الاسلامي) .

الكتاب ممتع جدا وتسلسل الاحداث فيه بيخليك تعيش المواقف ، ومش ممل ابدا على الرغم من طريقته البحثية !!!

انا اعتبر لسه بـ ابتدي قراءة الكتاب، لأني بصراحة قررت اقرؤه لحد ما كتابي التاني ( صيد الخاطر ) اللي بقى مخلل مع (صديقة) يرجع :D:D
انا عارفة انه ممتع وبرضه ما يتزهقش منه بس انا كمان عايزة اكمله :)
بس ان شاء الله هــ اسيبه معاها علشان تستفيد بأكبر قدر من الحِكَم اللي فيه، ولأني وعدت اني مش هتأخر على حد طالما اني في امكاني المساعدة والافادة ،
و هسيبه لحد م اخلص انا كمان كتاب ( الرحيق المختوم) :)
-^-^-^-^-^-^-^-^-
اصل انا اول مرة اتصفح مكتبة بابا والاقي فيها كمية الكتب الرهيييييييييييبة دي !!!
كتب اسمع عنها كتير بس ما فكرتش اقرأها قبل كده ، كنت ساعتها مشغولة بقراءة كتب لدكتور مصطفى محمود - رحمه الله - بس للاسف كانت soft copies :( ... طريقة بايخة اوي ومش فيها متعة تصفح الكتاب بالايد !!
بس قرأت شوية حلوين ما بين روايات ومسرحيات وابحاث...بس اكتر حاجة معلقة معايا تقريبا كتاب ( اينشتاين والنسبية ) كتاب جميل فعلا... ان شاء الله الاقي الوقت اني اقرأ كمان وكمان :)

وعندي كتاب اكتر من رااااااااااااائع لدكتور ( طارق السويدان) اسمه ( فلسطين..التاريخ المصور) بجد بجد بجد كتاب رهيييييييب !!!

وانا زي ما وعدت مش هبخل بأي كتاب على اي حد ... بس المهم يرجع :D :D اصل دي امانة، ولا ايييه :)
-^-^-^-^-^-^-^-^-
القراءة دي متعة كبيرة اوي ، لكن للاسف كانت غايبة عني كتييييييير :( :(
تمنياتي لصديقتي بقراءة واعية هادفة مفيدة، ولنفسي بالمثابرة و حصد نفائس و لآلي الكتب :)

سلام عليكم .



 

الخميس، 10 مارس 2011

red&green!!!

10 التعليقات مرسلة بواسطة Lamees في 1:02 م


السلام عليكم ورحمة الله وبركاته


في مقولة كنت قرأتها في مكان ما... بتقول:
( الأشخاص كالألوان، إذا رحل عن حياتك اللون الأحمر قد يهَّون عليك اللون الأخضر بعض الألم، لكنه مهما كان مخلصا لن يصبح أحمر في يوم من الأيام )...!!!!

انا عارفة اني كنت في يوم من الايام( اللون الاحمر) ... وعارفة انه فيه (لون اخضر) كمان... و فعلا انا متفقة على ان الاخضر ده مخلص - اتمنى ده- ،
بس برضه الاحمر هو الاحمر... والاخضر مش هيبقى احمر...!!
اسفة ان البعض مش هيفهم.. :(
بس اللي الكلام الجاي ده مفهوم ان شاء الله :)

في ناس نفسي بجد اقوللهم حاجات كتيييير...بس للاسف مش هينفع!!!
و ناس نفسي انصحهم كتييير بس مش هيقبلوا النصيحة مني!!!
و ناس نفسي اقوللهم اني مش منافس ليهم .. بس هما مش هيفهموا!!!
وناس نفسي لما ابص ليهم بس يعرفوا اللي انا عايزة اقوله...بس هما يبصوا بس !!!
وناس طول م انا بعيدة عنهم ببقى غالية عليهم .. ولما بيشوفوني .. يبان غير كده!!!
وناس نفسي اشوفهم اوي علشان ارتاح...بس لو شفتهم حاسة ان مش هتفرق معايا!!!
وناس نفسي ارجع اثق فيهم تاني .. بس هما مصرين على اني افقد الثقة فيهم!!!
وناس متأكدين ان هما بيفرقوا معايا...بس مش مقدرين ده!!!
وناس كانت حطاني في كفة ميزان مع ناس تانية.. ولسبب من الاسباب كفة الناس التانية هي اللي كسبت :(
--- > طبعا دي حاجة تزعلني من ناحية وتفرحني من ناحية تانية...
اللي يزعلني طبعا ان كفة الميزان عندي خسرت :(
بس اللي يفرحني اكيد ان انا كان ليا فرصة اني اكسب ، واتحطيت في مقارنة من ناس جميلة جدا ، وقصاد ناس جميلة برضو :)

الحمد لله على كل حال.... وربنا بيقسم الارزاق للناس كلها بـ عدل وحكمة :)
اللهم ارزقني ياااااااااااارب ...
...............
سلام عليكم

 

السبت، 19 فبراير 2011

تحياتي للجميع

10 التعليقات مرسلة بواسطة Lamees في 10:36 م



السلام عليكم ورحمة الله وبركاته
بعد التحية...
انا حبيت اسلم عليكم كلكم، واقولكم وحشتوني اوي...
سلامي لكل اصحابي و اهلي وزملائي في الكلية...
على فكرة انا لما بعت الرسالة ع الجروب كنت مستنية حد يرد عليا ويطمني بجد!!!
بس للاسف مش لقيت ولا رد واحد ع الرسالة!!!
بس انا فعلا كنت عايزة اتطمن على الكل
لاني انا سافرت يوم الجمعة..يوم ما الاحداث كلها ابتدت، كنت حاسة اني سبت ناس كتييير مش عارفة عنها حاجة ، انا كل اللي حضرته في مصر اليوم ده كان قطع الاتصالات...حتى عمي اللي كان بيوصلنا المطار معرفتش اتصل عليه وابلغه اننا خلصنا الاجراءات علشان يمشي.
كنت سايبة ناس اعرفها لسه ما سافرتش... كنت عايزة اعرف ساعتها سافروا لاهلهم ولا ماعرفوش.
كنت عايزة اتطمن على اهلي اللي في مصر .
كنت عايزة اتطمن على كل الناس اللي في الكلية.
بس .. ده كان كل اللي شاغل تفكيري...
و مش هخبي عليكم اني زعلانة جدا اني ماحضرتش اي حاجة في مصر م اللي حصل ده... ولا عرفت اشارك بأي حاجة...
بس اللي حصل ده ليه بعد تاني كويس... اني مع بابا وماما واخواتي هنا...تخيلوا لو كنت انا واخواتي لسه في مصر والدنيا مقلوبة، كان بابا وماما هيعملوا ايه ساعتها....الحمد لله على كل شيء..وتدبيره فوق كل تدبير.
*************
سبب تاني اني اعمل البوست ده...
انا بعتذر للبنات اللي كنت واعداها اني اكلمهم ع الميل او ع الفيس...بس والله انا تقريبا مقاطع الميل والفيس وكل حاجة...مش ليا نفس من حاجة خالص...
وكمان ابلغهم ان ميعاد السفر اتأجل ...لظروف شديدة مفاجئة...
اقدر بس اقول ظرف واحد حاليا هو المشاكل اللي في البحرين حاليا( اصل الترانزيت في البحرين)...
ان شاء الله انا جاية خلال الاسبوع الجاي ده..ان لم يجد في الامر جديد.... و ربنا يستر
*************
ختاما سلامي لمصر ولكل المصريين...
والمستقبل مبشر ان شاء الله

سلام عليكم

 

الأحد، 23 يناير 2011

فيلم هندي!!!.لا مش هندي!!!

9 التعليقات مرسلة بواسطة Lamees في 6:45 م



السلام عليكم ورحمة الله وبركاته

الحمد لله على سلامتنا بعد الامتحانات... والحمد لله الذي بنعمته تتم الصالحات... :)
انا عارفة انه الواحد خلص الامتحانات بقى ومش عايز اي حاجة تفكره بيها.. وخلي الواحد يبدأ الاجازة بقى وهو مبسووط... :)
طيب...انا عاملة المدونة دي علشان بـ افضفض فيها ...بتكلم وبقول الحلو والوحش اللي بيحصل!!!
خلاص...يبقى انا هتكلم بقى... ومعلش استحملوووووني :(

في فترة الامتحانات الاخيرة دي... ويمكن قبل كده كمان..
حصلي موقف اشبه بالفيلم الهندي... لا والله الافلام الهندي دلوقتي بقت ليها معنى وتتشاف!!!
بس الغبي هو اللي يعامل الناس على انهم اغبيااا ...
و انا بقى ( بعمل عبيط ) وبعديها بمزااااجي...
رسالة بس لابطال الفيلم الفاشل اللي اتعمل ده.... احترموا ذكاء الاخرين...واعرفوا انهم مش اغبياااء...
والله غباااااااء!!!
انا لو بعاملكو انتو , يبقى هتصرف بالسوء اللي انتو بتتصرفوا بيه...
لكن انا الحمد لله بعامل ربنا في كل حاجة...
وان شاء الله ربنا هينصرني ويباركلي ويوفقني...
اما انتو بقى...
راعوا ربنا في تصرفاتكوو...

يقول الامام علي كرم الله وجهه ورضي عنه( اذا تلذذت في الاثم فإن اللذة تزول .. والاثم يبقى، واذا تعبت في البر فإن التعب يزول ...والبر يبقى.)
فـ ياريت تدوروا ع اللي هـ يبقى ليكم !!!!

وانا بقى يكفيني اني اقول:
(يارب...ان لم يكن بك غضب علي فلا ابااااااااااااااالي)
..........
دي كمان حاجة شفتها كده برضو مكان ما...اعتقد انها مناسبة برضو:

لا تبكى على الطيبة فهى نادرة كالمعجزات ...بل افرح بطيبتك فهى ليست ضعفا بل كبرياء حتى الممات
ومهما لاقيت من غدر فلا تقابل اساءة باساءات... بل قابلها باحسان ولك مزيد من الحسنات
حسنات من الغفور الرحيم مالك الارض والسماوات... فهل بعد كل هذا الخير تجد فى عينك دمعات‬
......................
اتمنى الرسالة تكون وصلت... والناس دي ما تعملش (عبيط)... وتحسن التصرف والتفكير والظن في الاخرين... !!!
واتمنى كمان ان اي حد زعلان مني يسامحني... علشان انا مش بحب حد يزعل مني :(
واللي عايزني ادعيلو يوم الجمعة يقول... :)
اصلي هكون على سفر ..( الكويت طبعا ... ان شاء الله ).... :)
اخيرااااااااااااااااااااااااا :)
.....
يلا بقى كفاية كده..
و سلام :)

 

الأربعاء، 12 يناير 2011

ان شاء الله...

15 التعليقات مرسلة بواسطة Lamees في 4:04 ص

السلام عليكم ورحمة الله وبركاته


ان شاء الله..

بالعربي والانجليزي.... بجد كلمات رااااائعة!!!!!!!!!!!!!

***********************************
عربي...


انجليزي...

**********************************************
(قول يا اللــــــــــــــــــه ده عنك مش بعيد..ما تشيلش هم ولا تشعر بضيق)
يا اللـــــــــــــــــــــــــــــــــــه
،،،،،،،،،،،،،،،،،،،،،،
( لو في يوم خدتنا معاصي او ذنوب،وخافت قلوبنا ما تقدر تتوب، وتشكي الروح..ومين بالسر اليه نبوح...ومين اللي يقدر يداويلنا الجروح..............)

ياااااااااااااارب........ انت عالم بحالي............


 

;;
Subscribe to: الرسائل (Atom)